Senatorja amerikane Elissa Slotkin (Demokrate nga Miçigani) ka reaguar në rrjetin social X lidhur me dhunën policore në protestën stu...
POLITIKE
"Tradhëtia e dytë e Ramës pas Ballkanit të Hapur", PD: Me porosi të Vuçiç ai del kundër çështjes kombëtare! Paraqet me asterik emrin e Kosovës në konferencën rajonale në Tiranë
n.fPërditësimi i fundit 14 Prill 2025, 23:04
TIRANË- Zëdhënësja e PD-së, Floriana Garo ka reaguar së fundmi në lidhje me largimin e zëvendësministri të Financave në Kosovë, Agron Doburuna nga një konferencë rajonale e nivelit të lartë të mbajtur në Tiranë. Doburuna njoftoi se u largua nga konferenca për shkak të mënyrës së papranueshme të përfaqësimit të Republikës së Kosovës me referencën “Rezoluta 1244 e OKB-së”.
Garo në reagimin e saj theksoi se Rama me porosi të presidentit serb, Aleksandar Vuçiç ka dalë kundër Kosovës. Ajo shtoi se Partia Demokratike e dënon me forcë këtë akt antishqiptarie të hapur në mes të Tiranës. Sipas saj pas Ballkanit të Hapur kjo është tradhtia e dytë ndaj Kosovës e Edi Ramës.
"Me porosi të Vuçiçit të Beogradit, Edi Rama ka dalë sot kundër Kosovës dhe çështjes Kombëtare. Në një konferencë rajonale të mbajtur në Tiranë, organizatori, qeveria e Ramës, e ka paraqitur me asterik * emrin e Kosovës në materialet dhe kredencialet e eventit. Kjo ka sjellë reagimin e zv. ministrit kosovar, z. Dobruna, përfaqësues i Prishtinës, i cili ka braktisur takimin kur kërkesa që Kosova të trajtohej si e barabartë është refuzuar.
Partia Demokratike e dënon me forcë këtë akt antishqiptarie të hapur në mes të Tiranës. Ne e konsiderojmë akt vasaliteti ndaj Vuçiç dhe një thikë në shpinë të çështjes kombëtare. Kosova, e njohur si vend i pavarur nga shumica dërrmuese e vendeve të botës së lirë, bëhet me asterikun e Rusisë dhe Serbisë në kryeqytetin e Shqipërisë. Pas Ballkanit të Hapur kjo është tradhtia e dytë ndaj Kosovës e Edi Ramës," shprehet Garo.
