Gjykata Penale e Tiranës pritet të marrë në shqyrtim gjatë ditës së sotme 28 masa që lidhen me protestën e zhvill...
POLITIKE
"Vetëqeverisja e drejtësisë, falë pavarsisë është e dobët" - Rama merr në dorë edhe godinat e drejtësisë
PiranjatPërditësimi i fundit 19 Tetor 2025, 10:02
Kryeministri Edi Rama, ka njoftuar pikërisht sot pas disa vitesh në pushtet, se qeveria do të marrë përsipër transformimin e infrastrukturës së institucioneve të drejtësisë në vend, duke u kujtuar kështu me shumë vonesë për nivelin aktual të kushteve në të cilat funksionojnë gjykatat dhe prokuroritë.
Në episodin më të fundit të podkastit të tij "Flasim", Rama theksoi se, ndonëse vetëqeverisja e sistemit gjyqësor është një parim thelbësor i reformës në drejtësi, ajo nuk ka sjellë përmirësimet e nevojshme në aspektin infrastrukturor. Ai u justifikua për kushtet e gjyqësorit, duke shprehur si problematikë kryesore mungesën e projekteve të besueshme dhe të realizueshme për rikonstruksionin apo ndërtimin e godinave të reja për institucionet e drejtësisë.
Sipas kryeministrit, shumë nga gjykatat dhe prokuroritë në Shqipëri vazhdojnë të funksionojnë në ambiente të papërshtatshme, të ngushta dhe të pajisura në mënyrë të pamjaftueshme për nevojat e sistemit. Ai tha se, në mungesë të një angazhimi të duhur nga vetë organet e drejtësisë, qeveria ka vendosur të marrë rolin udhëheqës në këtë drejtim, për të siguruar që institucionet të punojnë në kushte dinjitoze dhe moderne.
Rama: Kam vënë re me keqardhje që vetëqeverisjes së drejtësisë falë pavarësisë që iu dha atij sistemi me reformën në drejtësi, ndër të çalat e veta ka edhe dobësinë e madhe në administrimin infrastrukturës në projektimin e infrastrukturës dhe transformimin e infrastrukturës. Transformimi i infrastrukturës, i godinave pa projekte të besueshme është i pamundur. Përfundimisht, kemi vendosur që edhe këtë mision ta marrim përsipër vetë. Në Shqipërinë 2030 të kemi një infrastrukturë të transformuar të godinave të drejtësisë, sepse nuk mund të vazhdojmë me arnë dhe hapësira e mjedise gjykatash e prokurorish që janë larg të qenit dinjitoze, nuk mund të vazhdojmë më me ngushtësira që pastaj kthehet në performancë që lë shumë për të dëshiruar.
