Kryeministri Edi Rama po zhvillon një takim me drejtuesit e gjimnazeve, në një kohë kur protestat në Tiranë vijojnë prej di...
POLITIKE
"U ngrite se të doli emri, por nuk je i përgatitur", Rama i kujton profesionin e vjetër kryebashkiaut socialist: Këtë shaka e bëre si polic
r.llPërditësimi i fundit 17 Korrik 2024, 12:38
pjerin ndreu, edi rama
TIRANË- Kryeministri Edi Rama ka zhvilluar mesditën e sotme një mbledhje me kryetarët e bashkive të vendit, ku është diskutuar procesi i legalizimit të banesave dhe çështja e turizmit.
Në mbledhje përveç fjalës së kryeministrit, nuk kanë munguar edhe shkëmbimet e batutave mes Ramës dhe të pranishmëve, ndër ta edhe me kryebashkiakun e Lezhës, Pjerin Ndreun. Kreu i qeverisë i kujtoi këtij të fundit profesionin që ka mbajtur më herët atë të policit.
Rama i tha se duhet të kishte marrë shembull për legalizimet nga kryetari i bashkisë së Shijakut, Elton Arbana. Pas kësaj Pjerin Ndreun ka marrë mikrofonin dhe mes batutave tha se “nuk i hiqet njolla e policit”, por theksoi se e ka për nder.
Rama: Kam një fjalë për ty. Ti ishte kampioni i rindërtimit. E bërë Shijakun, avangardën e Rindërtimit, por duhet të bëhesh kampion i legalizimeve. Kur i thoja Pjerin Ndreut që merr shembull nga Shijaku për rindërtimin, thoshte; rindërtimi për ne është punë e vogël. Tani shembullin tënd t’ia tregoj Pjerin Ndreut, se nuk do të rrimë vetëm duke të lavdëruar ty policia. Mirë?
(I drejtohet Pjerin Ndreut) Qeshin në sallë
Ndreu: Kjo njolla e policit më ka ngelur, s’ma hiqni. E kam për nder që kam qenë pjesë e policisë
Rama:Nuk është njollë
Ndreu: E kam për nder që kam qen polic.
Rama: Ja si bën polemika. Ai merak do të dalë me shpirtin.
Rama:Fitore e madhe për Shëngjinin, që është i pastër.
Ndreu:Kur doni me sha ndonjë thoni; pse bën si polic. Kur doni me bë policin, s’na lini me bërë policin.
Rama:S’po shaj njeri, por këtë shaka e bëre si polic.
Rama:Nuk je shumë i qartë, u ngrite se të doli emri, por nuk je i përgatitur! Këtë proces do ta udhëheqë bashkia, jo Kadastra. Bashkia do thotë këto janë prioritare, kadastra do iu marrë dhe të bëjë regjistrimin. Çdo gjë që sipas jush nuk shkon, referohet te ministri. Në këtë mënyrë të dyja palët bëjnë punën e tyre dhe kontrollojnë njëri-tjetri, jo njëra dorë ia jep tjetrës dhe të dyja bashkë lajnë fytyrën.
