Ulet çmimi i energjisë elektrike/ Balluku: Ky është një vendim i cili hap një epokë të re

TIRANA- Zv.kryeministrja njëherësh dhe ministrja e Infrastrukturës dhe Energjisë, Belinda Balluku foli sot në një konferencë për shtyp lidhur me uljen e çmimit të energjisë elektrike. Balluku tha se ky është një vendim i cili hap një epokë të re për energjinë dhe për sektorin në përgjithësi. Ajo shtoi se një nga synimet që kanë është eficensa e energjisë elektrike, ulja e konsumit dhe sigurisht eficensa financiare e konsumatorëve familjarë si dhe atyre industrial dhe privat.

"Ky është një vendim i cili hap një epokë të re për energjinë dhe për sektorin në përgjithësi. Vendimi që tashmë është aprovuar dhe nga Enti Rregullator i Energjisë është se çmimi i energjisë elektrike në Republikën e Shqipërisë nga 9.5 lekë për kilovat orë do të shkojë në 8.5 lekë për kilovat-orë për fashën nga 1-700 kilovat orë, e cila faktikisht nuk është një fashë, pasi ndryshe nga fashat që janë faturim në nivele të ndryshme të konsumit, ne flasim për një kategori konsumi, pasi në bazë të saj ky vendim vjen në bazë të eficensës së energjisë elektrike. Sot një nga target që kemi është eficensa e energjisë elektrike, ulja e konsumit dhe sigurisht eficensa financiare e konsumatorëve familjarë si dhe atyre industrial dhe privat", tha Balluku.

belinda balluku