Kryeministri i Shqipërisë, Edi Rama, i ka thënë medias greke "Kathimerini” se dëshiron të mbetet në krye të vendit...
POLITIKE
Veliaj kërkon lirimin, Gjykata Kushtetuese vendos kalimin për shqyrtim në seancë plenare
PiranjatPërditësimi i fundit 26 Janar 2026, 14:24
Mbledhja e Gjyqtarëve të Gjykatës Kushtetuese ka vendosur që të kalojë për shqyrtim në seancë plenare mbi bazë dokumentesh, çështjen ndaj Erion Veliajt, i cili ka kërkuar lirimin nga paraburgimi, duke shfuqizuar masën e “arrestit me burg”.
Kujtojmë që në nëntor të vitit të kaluar ekipi i tij i mbrojtësve depozitoi një ankim në Gjykatë Kushtetuese, ku ai synon lirimin.
Nga Kushtetuesja, Veliaj kërkon shfuqizim të vendimit të Gjykatës së Posaçme, Apelit të Posaçëm dhe Gjykatës së Lartë për caktimin e masës “arrest në burg” ndaj tij.
Sipas kryebashkiakut, vendimet janë dhënë në shkelje të Kushtetutës, pasi përgjatë procesve të caktimit të masës i është shkelur e drejta e procesit të rregullt ligjor e proporcionalitetit të masës së sigurimit dhe ajo e prezumimit të pafajësisë.
Erion Veliaj, i pandehur i SPAK për 5 vepra penale, mes të cilave edhe “korrupsioni” dhe “pastrimi i parave” qëndron në qeli prej shkurtit të vitit të kaluar.
Rama ne Izrael te tregoje pse votoi kunder Jeruzalemit kryeqytet!
Rama ne Izrael ka shume per te shpjeguar sepse ja me fjale, por me vote ne OKB ka votuar ku...
