I ftuar në emisionin ‘Kafe Shqeto’ në Syri TV, pedagogu Gjok Vuksani ka akuzuar kryeministrin Edi Rama për gjuhën fyese ndaj s...
POLITIKE
Veliaj në SPAK/ Boçi: Ekzekutim politik, por Prokuroria Speciale nuk e ka sfidën me opinionin por me…
E.DPërditësimi i fundit 26 Dhjetor 2024, 21:49
TIRANË- Nënkryetarin i Partisë Demokratik, Luçiano Boçi, tha se Kryebashkiaku i Tiranës Erion Veliaj, pritej që të thirrej në SPAK për inceneratorin e Tiranës apo për 5D, por tani ka dalë çështja e tretë, e hetimit pasuror. Boçi i ftuar në emisionin 'Open' në News24 bëri një lidhje mes hetimit pasuror dhe çështjes ‘5D’, duke iu referuar asaj që SPAK ka zbuluar. Sipas tij, SPAK po i copëzon çështjet dhe në këtë kuadër Boçi përmendi inceneratorët e Elbasanit, Fierit dhe Tiranës.
Ai tha se ngjarja kryesore është thirrja e Erion Veliajt, por pikëpyetja është pse thirret edhe denoncuesi në të njëjtën ditë, Belind Këlliçi. Boçi tha gjithashtu se duket sikur SPAK ka dashur të provojë që është i barazlarguar, duke thirrur në të njëjtën ditë qoftë Veliajn ashtu edhe Këlliçin, që e ka denoncuar për aferën 5D dhe për inceneratorin e Tiranës.
“Nuk e shoh të logjikshme që të kemi vetëm një hetim pasuror. Jemi përballë ekzekutimit politik të Veliajt dhe kjo është justifikuar me veprimin e sotëm, thirrjes së tij në SPAK. Ekzekutimi penal apo juridik është një pikëpyetje shumë e madhe. Janë një çështje, janë një grup kriminal që ka në krye Edi Ramën. SPAK ka një spostim politik, duket sikur e ka sfidën me opinionin publik”, tha Boçi, duke shtuar se në të vërtetë SPAK e ka sfidën me korrupsionin, me ligjin.
