Kanë përfunduar fjalimet e aktivistëve dhe qytetarëve përpara godinës së Kryeministrisë, ndërsa protesta qytetare k...
POLITIKE
“Veliaj nga superstar i regjimit u kthye në problem për Ramën”/ Berisha: Diktaturat nuk largohen me zgjedhje farsë, por me protesta të fuqishme!
PiranjatPërditësimi i fundit 3 Tetor 2025, 20:24
“Të rinjtë shqiptarë duhet të shohin me shpresë te PD. Diktaturat nuk largohen me zgjedhje farsë, por me protesta të fuqishme, kur qytetarët vendosin të marrin në dorë fatin e tyre,” tha Berisha në “Elevate” me Floriana Garon.
Duke komentuar zhvillimet e fundit në Tiranë dhe largimin e Erion Veliajt nga drejtimi i Bashkisë, Berisha kujtoi se vetëm pak kohë më parë, ai konsiderohej një nga figurat më të fuqishme të mazhorancës.
“Ai konsiderohej “superstari i regjimit”, por opozita arriti ta gozhdonte politikisht. Sot ai është kthyer në problem për Edi Ramën. Këshilltarët që sot vendosën për ekzekutimin e tij politik, para disa muajsh zvarriteshin nëpër dritaret e SPAK për ta mbrojtur,” shtoi Berisha.
Në përmbyllje, lideri opozitar theksoi se qëllimi i angazhimit të tij politik nuk është pushteti personal, por një mision për çlirimin e vendit nga ajo që e cilësoi si një regjim autokratik.
“Nuk është një betejë për poste, por një mision për shpëtimin e Shqipërisë nga një regjim autokratik dhe për t’u kthyer shqiptarëve lirinë dhe shpresën,” përfundoi ai.
