Një tjetër grup studentësh, ata të Mjekësisë, i janë bashkuar turmës së protestuesve të mbledhur para Kryemini...
POLITIKE
Vendet evropiane bllokuan produktet me pesticide, PD: Shëndeti i shqiptarëve në rrezik nga dështimet e qeverisë
PiranjatPërditësimi i fundit 8 Shtator 2025, 15:31
“Rastet konfirmojnë dështimin kriminal të qeverisë në fushën jetike të sigurisë ushqimore.” Kështu është shprehur anëtari i Kryesisë së PD-së, Grigels Muçollari, në një deklaratë nga selia blu, pasi shtete si Kroacia, Sllovenia, apo Bosnja, kanë bllokuar tonelata ngarkesa me produkte të ardhura nga Shqipëria si pjeshkë, speca apo domate, për shkak se pas analizave kanë rezultuar me kimikate të rezikshme tej normave të lejuara.
Muçollari tha se alarme si këto janë dëshmitarë të dyfishtë të rrënimit: “ne nuk e dimë çfarë konsumojmë, këtë na e bëjnë me dije autoritetet e vendeve të tjera”. Sipas tij, Qeveria as e mbështet dhe as e monitoron fermerin dhe se nuk ofron asnjë siguri për prodhimet që hyjnë apo prodhohen në vend.
"Brenda një jave, tre produkte ‘Made in Albania’ janë ndaluar dhe janë kthyer mbrapsht nga vendet fqinje, për shkak të përmbajtjes së elementëve të rrezikshëm për shëndetin. Vende të BE si Kroacia, Sllovenia, Polonia, por dhe Bosnje-Hercegovina, nuk kanë lejuar domatet, pjeshkët dhe specat e vendit tonë të tregtohen e konsumohen atje, pasi rezultuan si rrezik serioz për shëndetin. Këto raste të përsëritura konfirmojnë dështimin kriminal të qeverisë në fushën jetike të sigurisë ushqimore. Alarme si këto janë dëshmitarë të dyfishtë të rrënimit: ne nuk e dimë çfarë konsumojmë, këtë na e bëjnë me dije autoritetet e vendeve të tjera. Qeveria as e mbështet dhe as e monitoron fermerin.
Ajo nuk ofron asnjë siguri për prodhimet që hyjnë apo prodhohen në vend. Shëndeti i fëmijëve, dhe të rriturve vihet në rrezik nga ushqimet me përmbajtje të lartë pesticidesh, apo deri dhe metale të dëmshme, siç e dëshmojnë rastet sllovenët dhe kroatët.
Këto janë tiparet e një qeverie që nuk ka prioritet njerëzit, por kullat, tenderat, dhe pastrimin e parave. Aksionet dhe gjobat ndëshkuese ndaj tregtarëve të vegjël dhe propaganda me drejtorë nuk janë zgjidhje, por një përpjekje për të mbuluar dështimin kapilar. Një qeveri autokratike nuk mund të ketë në konsideratë domatet, qumështin, frutat e perimet e këtij vendi. Ajo ruan kolonat ku mbahet vetë: korrupsionin, pastrimin e parave dhe aktivitetet e jashtëligjshme. Ky është një sinjal i fortë për qytetaret që mos të pranojnë më një narkoshtet që mburret me dronët, por nuk arrin të garantojë as domatet", tha ai.
