Vendimet e qeverisë, Koçiu: 275 mijë familje dhe individë do të marrin 150 euro shpërblim për fundvit! Ja kush përfiton

albana kociu

TIRANË- Ministrja e Shëndetësisë, Albana Koçiu ka mbajtur sot një deklaratë për mediat, ku ka njoftuar disa nga vendimet e marra në mbledhjen e qeverisë. 

Koçiu bëri me dije se 275 familje dhe individë që përfitojnë nga programi i mbrojtjes sociale, do të marrin 15 mijë lekë të reja ose 150 euro shpërblim për fundvit. Më tej ministrja njoftoi se për herë të parë këtë vit marrin shpërblim fundviti edhe ndihmësit dhe kujdestarët e personave me aftësi të kufizuara.

"Familjeve dhe individëve që përfitojnë nga programi i mbrojtjes sociale, me vendimin e fundit të qeverisë shqiptare iu akordohet një shpërblim për festat e fundvitit. Janë 275 mijë familje dhe individë do të përfitojnë 15 mijë lekë ose 150 euro shpërblim që i akordohet familjeve që trajtohen me ndihmë ekonomike, fëmijëve pa kujdesin prindëror, individëve që kanë statusin e tetraplegjikut dhe paraplegjikut, të verbërit dhe për herë të parë marrin shpërblim dhe ndihmësit e personave me aftësi të kufizuar. Janë 18 mijë ndihmës dhe kujdestarë për personat me aftësi të kufizuara të cilët gjithashtu do të marrin shpërblimin e fundvitit.", u shpreh Koçiu.

albana koçiu