"Vendimin e falsifikuar e futën në vendimin e ndërmjetëm!" Salianji: Erdhën në seancë dhe thanë na e ka sjellë avokati i Fatmir Xhafës dje

TIRANA- Deputeti i PD-së Ervin Salianji ka zbuluar të tjera të dhëna, sipas tij, për gjyqtarin e treshes së Apelit që ka dhënë vendimin e sotëm, Genti Shala. Në një interviste për ‘Çim Peka LIVE’ në SYRI TV,  Salianji tha se gjyqtari tjetër është ish-përfaqësues i PS në KQZ. Sipas tij, Gent Shala është njeri me lidhje kriminale me biznese në të gjithë grupet kriminale në Shqipëri dhe do bënte gjithçka edhe të vriste vetëm sepse donte të shkojnë në Gjykatë të Lartë.

"Gjyqtari tjetër është ish-përfaqësues i PS në KQZ, Gent Shala. Një prej njerëzve me lidhje kriminale me biznese në të gjithë grupet kriminale në Shqipëri dhe do bënte gjithçka edhe të vriste vetëm sepse donte të shkojnë në Gjykatë të Lartë. E mbajnë peng aplikimin e tij prej 6 muajsh dhe në këmbim të dënimit politik dhe pa ligj të ekzekutimit të mandatit të deputetit sepse kaq kanë në dorë të bëjnë. Është njësoj sikur kryetarët e seksioneve të PD t’i japësh të vendosin drejtësi për çështjet e Edi Ramës, dhe ta dënosh se është plakur shumë dhe ka rrjedhur nga plakja.

Seanca e sotme kishte një turp tjetër. E kanë bërë procesin gjyqësor në Shkallë të Parë pa marë më parë vendimin e gjykatës që pushonte çështjen dhe kallëzimin penal për trafik droge ndaj Geron Xhafajt. E kemi kapur në seancë gjyqësore që ishte e falsifikuar, e kanë futur sot me vendim të ndërmjetëm në mënyrë të paprecendentë. Erdhën në seancë dhe thanë na e ka sjellë avokati i Fatmir Xhafës dje, me vulë të njomë, e mërën vendimin vetë 10 minuta para dhe më pas dolën dhe dhanë vendimin për lënien në fuqi", tha Salianji.

ervin salianji