Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
POLITIKE
VIDEO/ Berisha: Kreu i organizatës kriminale të George dhe Alex Soros në Shqipëri është Ramaduro!
PiranjatPërditësimi i fundit 4 Shtator 2025, 11:42
Kryetari i Partisë Demokratike, Sali Berisha, përmes një postimi në rrjetet sociale publikoi një video shoqëruar me akuza ndaj George dhe Alex Soros, si dhe kryeministrit Edi Rama.
Kryedemokrati deklaroi se “sistemi i reformës në drejtësi i Sorosit, armikut të egër të lirisë së kombit amerikan dhe kreut të organizatës kriminale më të madhe ndërkombëtare, ka tentakulat e veta edhe në Shqipëri”.
Berisha theksoi se presidenti i SHBA ka shpallur me aktin RICO George dhe Alex Soros si organizatë kriminale të mirëfilltë, duke shtuar se “kjo organizatë nuk është vetëm kombëtare, por ndërkombëtare, dhe në Shqipëri është e stërfuqishme, e përfaqësuar nga Edi Rama dhe familjarët e tij më të afërt, të pasuruar me miliona euro”.
Sali Berisha akuzoi se produktet mafioze të kësaj organizate shtrihen në sistemin e drejtësisë shqiptare, duke përmendur rastin e Altin Dumanit, të cilin rikujtoi si u dekorua pas arrestimit të tij nga Sekretari Amerikan i Shtetit, Antony Blinken, të cilin e quajti “anëtar të organizatës kriminale të Sorosit”.
Kreu i PD-së e shoqëroi videon me dixhiturën: “Kreu i organizatës kriminale të George dhe Alex Soros në Shqipëri është Ramaduro!”.
