Policia është përplasur me protestuesit e rinj në qendër të Tiranës pasditen e të hënës, ku dhjetëra pers...
POLITIKE
VIDEO/ Drejtorët e Belinda Ballukut krijojnë skemën "5D"
r.llPërditësimi i fundit 30 Tetor 2024, 22:49
belinda balluku
TIRANË- Jo vetëm Erion Veliaj, por edhe drejtorët e Belinda Ballukut kanë krijuar një skemën “5D”, duke marrë miliona euro nga buxheti i shteti. Emisioni Plug në Syri Tv, denoncoi skemën e dyshuar korruptive të kreut të OSSH Blendian Dalipi. Ky i fundit nëpërmjet kompanisë ABNID në pronësi të tij dhe kompanisë IDK Konstruksion në pronësi të babait të tij, ka marrë mbi 30 milionë euro tendera publik. Gjithashtu, kompanitë kanë përfituar edhe licensa nga Belinda Balluku, gjatë kohës që kjo emëroi Blendian Dalipin në krye të OSSH. Plug denoncoi edhe dhënien e 44 milionë euro tendera pa garë nga Blendian Dalipi në krye të OSSH.
Emisioni Plug në syri televizion, ka zbardhur ekskluzivisht një tjetër skemë të dyshuar korruptive, e ngjashme si ajo “5 D” e drejtorëve të Erion Veliajt në Bashkinë e Tiranës. Në skemën e zbardhur nga Plug, denoncoi se si drejtori i Operatorit të Shpërndarjes së Energjisë Elektrike, në varësi direkte të Belinda Ballukut, Blendian Dalipi, ka përfituar miliona euro tendera nga buxheti i shtetit nëpërmjet kompanisë së tij dhe asaj të babait të tij.
Shtetasi Bajram Dalipi, i cili është babai i Blendian Dalipit, rezulton se është pronar i kompanisë I.D.K. Konstruksion. Kompania e Bajram Dalipit, e themeluar në vitin 2004, do të rriste aktivitetin e saj financiar pas ardhjes së socialistëve në pushtet. Nga viti 2013 e deri më sot, kompania I.D.K. Konstruksion në pronësi të babait të drejtorit të OSSH, Blendian Dalipi ka përfunduar mbi 30 milionë euro tendera publik, shumë prej të cilëve janë marrë nga institucione në varësi të Belinda Ballukut. Skandali thellohet më tej, pasi paratë e marra nga buxheti i shtetit nëpërmjet kompanisë I.D.K konstruksion të Bajram Dalipit, kanë përfunduar në xhepat e djalit të tij, Blendian Dalipi, një nga njerëzit më të afërt të Belinda Ballukut.
Pasi merrte projekte publike, kompania e Bajram Dalipit kontraktonte për kryerje punimesh kompaninë ABNID, e cila rezulton se është në pronësi të djalit të tij, Blendian Dalipi, që gjithashtu mban postin e drejtorit të OSSH. Nga dokumentetet zyrtare që gjenden në qendrën kombëtare të biznesit, rezulton se kompania e Blendian Dalipit, ABNID shpk, ka përfituar mbi 11 milionë euro nga kompania e babait të tij, I.D.K. Konstruksion, e cila paratë i merrte nga buxheti i shtetit, të cilat përfundonin në xhepin e drejtorit të Belinda Ballukut në formën e dividentit, që ai ka tërhequr ndër vite. Elementë të tjerë që ngrenë dyshime se të dyja kompanitë kontrollohen nga Blendian dalipi, është fakti se 8 punonjës, rezultojnë të jenë në bordortë e të dyja kompanive, ABNID që është në pronësi të Blendian Dalipit dhe IDK Konsruksion në pronësi të babait të tij.
Kompania ABNID gjatë kohës që pronari i saj ishte drejtor në poste publike, ka përfituar edhe tendera direkt nga bashki të ndryshme të vendit, duke ngritur këtu jo pak dyshime për konfliktin e interesit. Sikur të mos mjaftonin këto, kompania e Bababit të Blendian Dalipit ka marrë edhe një licensë për ndërtimin e një parku fotovoltaik me procedura të përshpejtuara, me firmë të kryeminitrit Edi Rama dhe ministres Belinda Balluku. Të gjithë këto fakte u denoncuan në emisionin Plug në syri televizion, ku gjithashtu u publikuan edhe të dhëna se si gjatë kohës që Blendian Dalipi ka qenë në krye të OSSH ka dhënë plotë 44 milionë euro tendera pa garë, duke ngritur dyshime për abuzime./Syri Tv
