Protestat në Tiranë vijojnë me përplasje mes demonstruesve dhe policisë së rendit, shkruan BBC. Nxënësit e shkollave t...
POLITIKE
"Vizioni i Ramës është ai i konsolidimit të një narkoshteti", Meta: Emergjenca e emigrantëve është kthyer në gjenerim korrupsioni
n.fPërditësimi i fundit 3 Qershor 2024, 13:59
Meta
TIRANË- Presidenti i Partisë, Ilir Meta ka zhvilluar ditën e sotme mbledhjen e Kryesisë politike të PL-së ku ka folur në lidhje me situatën në arsimin shqiptar. Meta gjatë fjalës së tij tha se duke shkatërruar situatën ekonomike të mësuesve dhe pedagogëve, nxitet largimi i shumë familjeve shqiptare si pasojë e nivelit të ulët arsimor dhe rraskapiten mësuesit për të siguruar jetesën. Ai tha se kreu i qeverisë Edi Rama ka qëllim konsolidimin dhe krijimin e narkoshtetit.
“Duke shkatërruar situatën ekonomike të mësuesve dhe pedagogëve, nxitet largimi i shumë familjeve shqiptare si pasojë e nivelit të ulët arsimor dhe rraskapiten mësuesit për të siguruar jetesën. Qëllimi dhe vizioni i Ramës, është ai i konsolidimit të një narkoshteti që nuk ka nevojë për mendje krijuese dhe kritike. Rama ka përdorur kanabizimin për të mbajtur pushtetin me çdo çmim, siç e theksoi edhe dje ish zv. Kryeministri i tij në RAI3," tha ai.
Meta ai tha se marrëveshja me Italinë po shihet edhe në Itali me hije korrupsioni, ashtu si edhe në Shqipëri. Meta shtoi se emergjenca e emigrantëve është kthyer në një gjenerim korrupsioni.
“Emergjenca e emigrantëve është kthyer në gjenerim korrupsioni. Kampi nuk dihet nëse mbaron deri në fund të dimrit. Njëlloj sicc u sajua emergjenca e plehrave për të justifikuar megaaferën e incenearatorëve”, tha Meta.
