Pak orë para protestës së paralajmëruar, Policia ka rrethuar me barriera metalike perimetrin pranë Parlamentit, nga Xhamia e Namazgja...
POLITIKE
Vizita në Athinë dhe çështja Beleri/ Mitsotakis mesazh Ramës: Rruga e Shqipërsë për BE kalon pashmangshëm nga vendi ynë
b.zPërditësimi i fundit 19 Maj 2024, 17:13
Mitsotakis, Rama
GREQI - Kryeministri grek Kyriakos Mitsotakis, ka zhvilluar ditën e sotme një intervistë për mediat maqedonase, ku ka folur edhe për mardhëniet Shqipëri-Greqi. Mitsotakis ka komentuar vizitën e Ramës në Athinë për të cilën ka thënë se qeveria greke nuk kishte arsye ta ndalonte, ndërsa ka përmendur ndër të tjera edhe çështjen Beleri.
Mitsotakis e ka cilësuar burgimin e Belerit si të paligjshëm, ndërsa ka dhënë një mesazh të hapur për kryeministri Edi Rama. Ai është shprehur se rruga për integrimin europian të Shqipërisë kalon nga Greqia, kështu Shqipëria duhet të bashkohet pa probleme në rrugën e vlerave europiane dhe mos të shkelë vlerën e shtetit ligjor.
Pyetje: Kryeministri shqiptar z. Edi Rama mbajti një fjalim të pazakontë parazgjedhor në Galatsi, në një kohë kur marrëdhëniet greko-shqiptare po kalojnë një periudhë recesioni dhe për shkak të paraburgimit të Fredi Belerit. A jeni të shqetësuar për tensionet e kahershme në marrëdhëniet tona me shtetin fqinj? Dhe cili do të ishte mesazhi juaj për Edi Ramën sot?
Mitsotakis:Vizita e Edi Ramës këtu ishte private, ashtu si fjalimet përkatëse parazgjedhore që ai ka planifikuar tashmë në vende të tjera, në funksion të zgjedhjeve në Shqipëri. Qeveria nuk kishte arsye ta ndalonte. Thjesht sepse Republika Helenike nuk ka pse të frikësohet nga një ngjarje e tillë.
Çështjet në marrëdhëniet greko-shqiptare sigurisht që mbeten. Dhe kryeministri i Shqipërisë nuk mund të anashkalojë kushtet për anëtarësimin e vendit të tij në BE. Së pari, respektimi i shtetit ligjor, i cili është i parashikuar në nenin 2 të Traktatit për Bashkimin Evropian.
Do të jem i qartë: me paraburgimin e paligjshëm të kryetarit të zgjedhur të Bashkisë së Himarës, tashmë kandidat i ND-së për Parlamentin Europian, Fredi Beleri, Shqipëria shkel vlerën e shtetit ligjor, duke shfuqizuar të drejtën e tij të vetëkuptueshme për t’u gjykuar, prezumimi i pafajësisë. Prandaj, kjo nuk është vetëm një çështje dypalëshe, por kryesisht një çështje evropiane. Dhe duke qenë se rruga e anëtarësimit të Shqipërisë varet nga respektimi i të drejtave themelore të minoritetit grek, ajo kalon në mënyrë të pashmangshme nga vendi ynë. Jo për të “pajtuar” apo “ndëshkuar”. Por për të parë Shqipërinë duke u bashkuar pa probleme në rrugën e vlerave europiane.
