Vota e diasporës "mollë sherri" në Kuvend/ Noka përplaset me Manjën: Doni të votojnë vetëm ata që keni në lista! Po mohoni të drejtën e votës, keni frikë

Noka, Manja

TIRANË - Vota e Diasporës ka shkaktuar përplasje mes sekretarit të përgjithshëm të PD, Flamur Noka dhe Ministrit të Drejtësisë, Ulsi Manja gjatë senancës së sotme në Kuvend. Nga foltorja e kuvendit, Noka u shpreh se PS do që të votojnë vetëm ata që janë në lista dhe jo edhe emigranët që skanë një dokument shqiptar identifikimi. Kjo ka sjellë dhe reagimin e Manjës, i cili është shprehur se shqiptarët që kanë mjet identifikimi të skaduar do të lejohen të votojnë, por jo ata që kanë pasaporta të huaja.

Noka: ‘Unë jam këtu për hallin e shqiptarëve. Me kushtetutë çdo shqiptar duhet që të votojë. Çdo shtetas duhet që të votojë sa kohë e ka emrin në gjendjen civile dhe shteti duhet që ti krijoi kushtet për të votuar. Por ju doni që të votojnë vetëm ata që keni në listat tuaja dhe nuk doni që të votojë e gjithë diaspora. Ju i mohoni të drejtën e votës, keni frikë. Ju brenda s’ju duan dhe jashtë ju refuzojnë.

Manja; Që të jesh shtetas shqiptar ke të drejta dhe detyrime, për të ushtruar të drejtën e votës duhet përcaktuar pasaport biometrike ose kartë ID të vlefshme. Ju thoni që ti jepet e drejta e votës edhe nëse kanë një dokument të vendit ku jetojnë. Po mirë me dokument shqiptar mund të votojnë një shtetas shqiptar në botë, jo, sepse nuk ja lejon. Po kemi rënë dakord kush ka një dokument identifikimi.

flamur noka ulsi manja