Vijon aksioni i protestuesve edhe sot më 14 tetor përpara Ministrisë së Arsimit dhe në Rrugën e Durrësit.
Pasi shkulë...
POLITIKE
“Zëri i studentëve duhet dëgjuar, jo shtypur”- Bardhi: Dhuna ndaj të rinjve është e papranueshme
PiranjatPërditësimi i fundit 14 Tetor 2026, 13:46
Kryetari i Grupit Parlamentar të Partisë Demokratike, Gazment Bardhi ka reaguar pas përplasjeve mes Policisë dhe protestuesve, duke akuzuar Policinë e Shtetit për ushtrim dhune ndaj të rinjve.
Në një reagim, Bardhi e cilëson situatën si “terrorizëm shtetëror”, ndërsa kërkon që çdo veprim i paligjshëm i punonjësve të Policisë të hetohet dhe të ndëshkohet sipas ligjit.
Ai thekson se uniforma e Policisë nuk duhet të përdoret si justifikim për ushtrimin e dhunës, por duhet të shërbejë për mbrojtjen e qytetarëve dhe garantimin e të drejtave të tyre.
Terrorizmi shtetëror i Policisë së Shtetit ndaj të rinjve është përtej cdo imagjinate.
Dhuna e ushtruar nga efektivë të Policisë së Shtetit ndaj të rinjve nuk është thjesht e papranueshme; çdo veprim i paligjshëm duhet të hetohet dhe të ndëshkohet sipas ligjit. Uniforma e Policisë nuk është licencë për të ushtruar dhunë, por përgjegjësi për të mbrojtur qytetarët dhe për të garantuar të drejtat e tyre.
Askush që vesh uniformën e Policisë së Shtetit nuk është mbi ligjin! Askush nuk ka të drejtë ta përdorë pushtetin për të frikësuar, poshtëruar apo dhunuar të rinjtë që ngrejnë zërin për të drejtat e tyre.
Zëri i studentëve duhet dëgjuar, jo shtypur. Protesta paqësore është një e drejtë, jo një arsye për dhunë. Përgjigjja ndaj kërkesave të të rinjve duhet të jetë dialogu dhe përgjegjësia, jo forca dhe intimidimi.
Dhuna nuk është zgjidhje. Frika nuk është përgjigje. Heshtja nuk është alternativë! Të rinjtë nuk mposhten me dhunë dhe nuk nënshtrohen me frikë. Ata janë zëri i së tashmes dhe shpresa e së ardhmes së Shqipërisë.
