Një tjetër vatër zjarri është regjistruar gjatë natës në fushën e Lazaratit, pranë pompës së ujit....
POLITIKE
Zgjedhjet/ Berisha: Ata që nuk janë futur në primare, do e kenë shumë të vështirë të jenë në listë
M.B.Përditësimi i fundit 3 Mars 2025, 13:01
TIRANA- Kreu i Partisë Demokratike Sali Berisha tha sot se ata që nuk janë futur në primare, do e kenë shumë të vështirë të jenë në listë. Berisha tha se vlerësimi për ata që kanë kontribuar ekziston, por vendosja apo jo në listën e hapur, edhe në listën e mbyllur, përcaktohet nga disa kritere dhe jashtë ndërhyrjes së këtyre kritereve, nuk do ketë ndikime të tjera. Ai shtoi se pragu nuk është një kusht për të qenë ose jo në listë sepse mund të zbresë në varësi nga kriteret.
Pjesë nga fjala e Berishës:
Sigurisht vlerësimi për ata që kanë kontribuar ekziston, nuk mund të mohohet. Por vendosja apo jo në listën e hapur, edhe në listën e mbyllur, përcaktohet nga disa kritere dhe jashtë ndërhyrjes së këtyre kritereve, nuk do ketë ndikime të tjera. Ata që nuk kanë arritur pragun, sigurisht preferencën e kanë ata që arritën pragun, kjo nuk ka diskutim.
Por pragu nuk është një kusht për të qene ose jo në listë sepse mund të zbresë në varësi nga kriteret që thashë më sipër. Se edhe ky që është mbi prag, mund të zbresë nën prag pastaj. Nuk merret dot. Sikundër thamë numrin e kandidatëve që duhen në listën e hapur. Absolutisht sa vende mbeten bosh, do merren nën prag. Pra, pragu është një kriter...
Përveç primareve, kryesia e PD në princip nuk do ketë propozime të veta. Por kryesisë nuk mund t’ia mohosh të gjithë drejtën. Unë mendoj se kryesia ka detyrë të mbrojë parimet e statutit. Ai është një forum i lirë që mendime mund të shprehë dhe do diskutohen. Por jashtë kësaj praktike, njerëz që nuk janë futur në primare, shumë e vështirë, por kurrë mos thuaj kurrë.
