Kristjan Asllani është rikthyer me Interin për fazën përgatitore në Gjermani, por e ardhmja e mesfushorit shqiptar te klubi zika...
POLITIKE
Zgjedhjet në Himarë/ Miratohet fleta e votimit, Vangjel Tavo i PS i pari në renditje, Petro Gjikuria i opozitës i dyti
M.B.Përditësimi i fundit 26 Korrik 2024, 12:59
Petro Gjikuria dhe Vangjel Tavo
HIMARA- Komisioni Qendror i Zgjedhjeve ka miratuar sot fletën e votimit për zgjedhjet në Bashkinë e Himarës. Sipas një shorti të hedhur në KQZ, i pari në listën e fletës së votimit të jetë Vangjel Tavo, kandidat i Partisë Socialiste, ndërsa kandidati i koalicionit “Bashkë Fitojmë”, Petraq Gjikuria, do të jetë i dyti listë.
Pak ditë më parë, Komisioneri Shtetëror i Zgjedhjeve ka miratuar sasinë e fletëve të votimit që do të prodhohen për zgjedhjet e pjesshme dhe sasia që duhet të prodhohet për zgjedhjet për kryetar të bashkisë Himarë është 23.535 fletë votimi.
Më 5 korrik të këtij viti, KQZ deklaroi pavlefshmërinë e mandatit të kryetarit të zgjedhur të Himarës Fredi Beleri, pas vendimit të formës së prerë të Gjykatës së Apelit e cila e dënoi atë me dy vjet burgim, për korrupsion në zgjedhje.
Atë ditë, Beleri, i pranishëm në mbledhje, por dhe mbrojtësit e tij, mbështetën idenë se Komisioni Qendror i Zgjedhjeve nuk mund të shprehej për këtë rast, pa një vendim të qeverisë që e shkarkonte atë nga detyra. Por sipas kreut të KQZ, Ilirjan Celibashi, vendimi mbështetej në të ashtuquajturin Ligj të Dekriminalizimit.
Me urgjencë, qeveria kërkoi më pas shpalljen e zgjedhjeve të reja në Himarë, nga presidenti, i cili po ashtu me shpejtesi dekretoi 4 gushtin si ditën e votimit.
