Operacioni “Vjeshta”, i finalizuar nga Policia e Sarandës pas një hetimi disa-mujor, ka çuar në pranga 20 persona, mes tyre ...
SHOWBIZ
Arta Bajrami tejkalon kufijtë, vjen për herë të parë me një këngë italiane me grupin e njohur
PiranjatPërditësimi i fundit 16 Shtator 2025, 18:39
Arta Bajrami është një nga këngëtaret më të spikatura për stilin e freskët, eksperimentet muzikore dhe rrymën R&B duke sjellë hite që kanë mbetur në kujtesën e publikut. “Asnjë milimetër”, kënga që performoi në hyrje të programit “Rudina” në Tv Klan është një prej tyre, e cila e bën gjithnjë publikun të kërcejë.
Më 10 shtator, Arta ka publikuar një projekt të ri muzikor që e ka çuar përtej kufijve. Ajo ka bashkëpunuar me grupin italian Stil Novo me këngën “La notte di San Lorenzo”. Për herë të parë, Arta këndon në gjuhën italiane.
Arta Bajrami: Është më ndryshe, publiku ndoshta nuk është mësuar të më dëgjojë mua me këtë stil. Kam qenë ajo guximtarja që kam sjellë një zhanër më trendi në atë kohë, muzikën R&B. Gjithmonë njihem si këngëtare eksperimentuese e zhanreve, por gjithmonë duke futur elementë popullore, folk, shqiptarë me ritëm modern sepse kam dashur t’i përshtatem publikut. Por kam pasur gjithmonë shpirt artistik, unë e kam ndjekur shumë muzikën italiane edhe kur kam qenë e vogël.
Arta shton se ishte vetë grupi ai që e kontaktoi për të realizuar këngë, edhe pse ajo në fillim e shihte me ca skepticizëm.
Arta Bajrami: Unë nuk e kam menduar fare që do të këndoja ndonjëherë italisht, por ja që më erdhi një ftesë nga grupi Stil Novo, nga Alessandro Maiani, ai është producenti dhe orkestruesi i grupit Stil Novo, më ka kontaktuar në Instagram dhe i kam thënë okej, i kam dërguar email-in, kemi filluar bisedat. Fillimisht nuk e besova menjëherë, thashë ku i dihet.
Rudina Magjistari: S’e ke marrë shumë seriozisht.
Arta Bajrami: Nuk e kam marrë shumë seriozisht, pastaj duke më marrë ai disa herë “hajde Arta se po na pret management-i, nuk kemi kohë, duhet ta regjistrojmë, duhet vokali yt”, atëherë i thashë vëllait meqenëse ai në atë kohë lëvizte në Gjermani e këtu, i thashë hajde ta regjistrojmë dhe po ia dërgoj. Ata kanë mbetur të mahnitur. Unë as nuk e kam ushtruar shumë theksin italian me thënë të drejtën, vetëm siç e kam dëgjuar kështu si muzikë dhe e kam regjistruar. Ata e kanë dëgjuar, hera e parë që këndoja në gjuhën italiane, e kanë pëlqyer shumë, realizuam videoklipin. Ata e kanë realizuar në Itali, unë e kam realizuar në Shqipëri sepse ishte ideja që të kontaktojmë dy vendet, Italia me Shqipërinë. Unë i drejtohem solistes, Luana Belluci të grupit Stil Novo, ajo më drejtohet mua dhe ashtu i këndojmë njëra-tjetrës.
