Një veshkë derri e modifikuar gjenetikisht ka mbajtur gjallë dhe pa dializë një 66-vjeçar për plot nëntë muaj, p&...
SHOWBIZ
Big Basta i punon rreng Vesa Lumës, këngëtarja lë intervistën në gjysëm
PiranjatPërditësimi i fundit 2 Tetor 2025, 10:16
Këngëtarja Vesa Luma, është vënë së fundmi në qendër të një kamere të fshehtë mjaft të veçantë, të organizuar nga askush tjetër veç bashkëshortit të saj, reperit Big Basta. Në bashkëpunim me Radio Wave Tirana dhe gazetarin Ergysin, mik i afërt i çiftit, Big Basta vuri në skenë një intervistë telefonike të rreme, duke i bërë Vesës disa pyetje të çuditshme dhe provokuese.
E gjithë ideja u ndërtua si një intervistë serioze, por shumë shpejt Vesa u përball me pyetje të sikletshme. Gazetari filloi duke i thënë se albumi i saj i fundit, i regjistruar gjoja në studion e Armend Rexhepagiqit, kishte rezultuar një dështim. Këngëtarja, e befasuar, reagoi me qetësi dhe maturi: “Mua më duket sikur më ke ngatërruar personin, sepse unë nuk kam bërë album te Armend Rexhepagiqi. Ndoshta më ke ngatërruar me Tunën. Për aq sa di, ai album nuk ka qenë dështim. Gjithsesi, më duket sikur të ka shpëtuar diçka…”, tha ajo.
Por provokimet nuk përfunduan me kaq. Në një tjetër moment, gazetari e akuzoi Vesën për djegien e një shtëpie në një nga klipet e saj muzikore, në një kohë kur sipas tij, shumë njerëz kanë nevojë për strehim. Vesa reagoi me ton të prerë: “Më fal, Gysi, por po më duket sikur po del krejtësisht nga çdo kontekst. Ajo ishte pjesë e skenarit të klipit, e realizuar në një pronë private dhe ishte menduar posaçërisht për t’u djegur. Nuk kemi djegur ndonjë shtëpi reale. Nuk po e kuptoj këtë tendencën tënde…”
Pas një sërë pyetjesh të tilla, Vesa e ndjeu që diçka nuk ishte normale dhe, me takt, kërkoi të ndërpriste intervistën. Menjëherë më pas, ajo iu drejtua Big Bastës për të kërkuar shpjegim – por surpriza nuk vonoi, gjithçka ishte një kamerë e fshehtë me humor, e organizuar në bashkëpunim me mikun e tyre.
