Protestuesit kanë mbërritur tashmë përpara Kryemninistrisë, pasi më herët ishin tek Ministria e Arsimit. Ata u dëbuan ...
SHOWBIZ
Cardi B bëhet sërish nënë
PiranjatPërditësimi i fundit 14 Nëntor 2025, 10:25
Cardi B bëhet nënë për herë të katërt!
Rap artistja ka mirëpritur në jetë fëmijën e saj të katërt, një djalë, ka konfirmuar për PEOPLE përfaqësuesi i saj. “Cardi është mirë dhe shumë e lumtur,” tha ai.
Ky është fëmija i parë i reperes me të dashurin e saj, yllin e NFL-së, Stefon Diggs.
Cardi e ndau lajmin edhe në Instagram, në përshkrimin e një videoje ku ajo bën lip-sync këngës “Hello” nga albumi i saj i ri.
“Jeta ime gjithmonë ka qenë e ndarë në kapituj dhe stinë të ndryshme,” shkroi ajo. “Kapitulli im i fundit ishte fillimi i një stine të re. Të nisësh nga e para kurrë s’është e lehtë, por ka qenë kaq e vlefshme! I solla botës muzikë të re, një album të ri! Solla në jetë një fëmijë të ri, edhe një arsye më shumë për të qenë versioni më i mirë i vetes, një arsye më shumë për ta dashur veten që të vazhdoj t’ua jap fëmijëve të mi dashurinë dhe jetën që meritojnë.”
Ajo shtoi:
“Kapitulli tjetër është Unë kundër Vetvetes! Unë kundër çdo pengese që më del përpara. Kam nisur përgatitjet për turneun tim – trupin dhe mendjen time po i fus në formë. Asgjë nuk do të më ndalë të jap performancën më të mirë ndonjëherë! Kam mësuar, jam shëruar dhe e dua gruan që jam bërë. Kjo epokë e re për mua nis më e fortë se kurrë.”
Ndërkohë, Diggs, 31 vjeç, e zbuloi gjininë e foshnjës në një event të kuq disa javë më parë.
“Është djalë. Mjafton kaq për mua,” u shpreh ai. “S’po rri dot pa ia filluar me pompa, ushtrime dhe vrapime.”
