Ashtu siç pritej, me të mbërritur te kryeministria, ka nisur përplasja mes policisë dhe protestuesve.
Kanë qenë kë...
SHOWBIZ
Dea Michelle reagon për rolin e opinionistes në Big Brother VIP Albania 5
PiranjatPërditësimi i fundit 10 Nëntor 2025, 14:22
Dea Michelle, influencerja dhe ish-banore e Big Brother VIP Albania, ka reaguar ndaj spekulimeve se mund të jetë pjesë e sezonit të ri si opinioniste. Përmes një sesioni pyetje-përgjigje në Instagram, Dea theksoi se roli është i bukur, por njëkohësisht kërkon shumë përgjegjësi.
“Është një pozicion shumë i bukur në një format shumë të ndjekur. Por është përgjegjësi e madhe të japësh opinione për veprimet e disa njerëzve që ti i sheh vetëm nga ekrani,” shkruan ajo.
Influencerja shtoi se të qenit opinionist nuk është thjesht koment mbi situatat, por kërkon balancë dhe objektivitet, sidomos kur banorët janë të izoluar dhe publiku ndjek çdo fjalë.
“Në izolim, fjalët e opinionistëve janë ndër të pakat lidhje që banorët kanë me botën jashtë, ndaj duhet të jesh shumë i formuar dhe i përqendruar,” tha Dea.
Megjithatë, ajo pranoi me humor se përqendrimi nuk është pika e saj më e fortë, por shtoi se nëse i jepej mundësia, do të jepte maksimumin e saj.
Publiku dhe fansat e BBVA do të duhet të presin për të parë nëse Dea Michelle do të marrë vendin e opinionistes këtë sezon.
