Një protestues i pranishëm para Ministrisë së Arsimit ka ironizuar efektivët e policisë për sjelljen e tyre gjatë protes...
SHOWBIZ
Dikur simbol i luksit, tani në vështirësi/ Nusret “Salt Bae” humbet miliona nga perandoria e tij e mishit
PiranjatPërditësimi i fundit 8 Tetor 2025, 15:32
hefi i njohur turk Nusret Gokçe, i famshëm në mbarë botën si “Salt Bae”, po përballet me një krizë të madhe financiare. Sipas raportimeve të fundit, rrjeti i tij i restoranteve luksoze ka regjistruar humbje rekord prej 6.38 milionë euro gjatë vitit 2024.
Megjithëse restoranti kryesor në Londër ka realizuar të ardhura mbi 10 milionë paund, rënia vjen si pasojë e rivlerësimit të aseteve të kompanisë në Shtetet e Bashkuara të Amerikës, që çoi në një zhvlerësim prej rreth 6 milionë paund.
Në kulmin e suksesit, rrjeti Nusr-Et numëronte shtatë restorante në SHBA, por shumë prej tyre janë tashmë të mbyllura, përfshirë ato në Beverly Hills, Las Vegas dhe New York. Aktualisht, në tregun amerikan kanë mbetur vetëm dy pika aktive, ndërsa kompania po zhvendos fokusin drejt tregjeve ndërkombëtare si Mexico City dhe Ibiza.
Megjithatë, pavarësisht humbjeve, Nusret mban ende një pasuri personale prej rreth 50 milionë euro, dhe vazhdon të ofrojë menu luksoze me çmime marramendëse si bifteku “Giant Tomahawk” që kushton 630 paund, apo mishi Wagyu me vlerë 1.15 euro për gram.
Por jo gjithçka shkëlqen: në platformën TripAdvisor, restoranti i tij vlerësohet vetëm me 2.9 yje nga 5, duke treguar një hendek të madh mes imazhit luksoz dhe përvojës reale të klientëve.
