Një protestues i pranishëm para Ministrisë së Arsimit ka ironizuar efektivët e policisë për sjelljen e tyre gjatë protes...
SHOWBIZ
E akuzoi atë për falsifikim të shitjeve të albumit të saj të ri "Am I the Drama", plas keq mes Cardi B dhe Nicki Minaj
PiranjatPërditësimi i fundit 1 Tetor 2025, 12:52
Konflikti mes dy prej emrave më të njohur të skenës së repit amerikan, Cardi B dhe Nicki Minaj, ka marrë përmasa të reja, pasi Cardi B reagoi ashpër në rrjetin social X (ish-Twitter) ndaj komenteve të Nicki Minaj, e cila e akuzoi atë për manipulim të shitjeve të albumit të ri, “Am I the Drama”.
Në një seri postimesh të drejtpërdrejta dhe me tone të forta, Cardi B i kërkoi Nickit të ndalojë së përmenduri emrin dhe punën e saj, duke e akuzuar për përçmim ndaj arritjeve të saj dhe për përhapje thashethemesh pa bazë.
“Pse vazhdon ta përmendësh albumin tim? Mund të të duket si shaka ty, por mua nuk më duket. Ke qenë në industrinë e muzikës për 16 vjet. Duhet ta krahasosh veten me artistë si Rihanna, Taylor Swift ose Drake,” shkroi ajo.
Reperja nga Bronksi theksoi gjithashtu diferencën e viteve mes tyre në industri: “Unë isha ende në shkollë të mesme kur ti fillove karrierën. Pse po më krahason mua me veten?”
Përplasja kaloi nga aspekti profesional në atë personal, kur Cardi B iu referua disa thashethemeve që lidhen me jetën private të Nicki Minaj dhe përmendi edhe të kaluarën e errët të familjes së saj – konkretisht, rastin e vëllait të Nickit, Jelani Maraj, i cili u dënua në vitin 2020 me 25 vjet burg për abuzim seksual ndaj një të miture.
“Vëllai yt merret me vajza 12-vjeçare,” shkroi Cardi B në një nga postimet më të komentuara.
Kjo nuk është hera e parë që dy artistet përplasen publikisht. Marrëdhënia e tensionuar mes tyre daton prej vitesh dhe ka qenë shpesh objekt diskutimi në mediat rozë dhe në rrjetet sociale, ku fansat e të dy palëve janë përfshirë vazhdimisht në debate të ashpra.
