Kryetari i Partisë Demokratike, Sali Berisha, ka folur për mediat para Kuvendit, ku ka kundërshtuar mënyrën se si, sipas tij, po proc...
SHOWBIZ
Ermal Mamaqi sqaron deklaratën e fortë për varfërinë: “Gjithçka lidhet me zgjedhjet që bëjmë”
PiranjatPërditësimi i fundit 12 Nëntor 2025, 15:17
Aktori dhe prezantuesi i njohur shqiptar, Ermal Mamaqi, ka sqaruar së fundmi fjalët që kanë shkaktuar diskutime në media dhe rrjete sociale, kur ai u shpreh se “njerëzit që janë të varfër e meritojnë të jenë të tillë”.
Në një intervistë për emisionin “Goca dhe Gra”, Mamaqi sqaroi se komenti i tij lidhej me zgjedhjet dhe përpjekjet individuale, jo me gjendjen sociale në përgjithësi.
“Kush punon 12 orë nuk është i varfër. Unë i referohem disa forma të dembelizmit. Nëse je dembel 40 vjeç, atë status që ke e meriton. Për mua, varfëria nuk është thjesht çështje financash, por kur nuk mbyll dot shpenzimet minimale. Fjala ‘meritoj’ ka dy kuptime: askush nuk e meriton të jetë i varfër nga pikëpamja njerëzore, por nga ana tjetër, janë ata që zgjedhin rrugën e tyre dhe marrin pasojat e zgjedhjeve të tyre”, shpjegoi ai.
Mamaqi shtoi gjithashtu një mesazh paralajmërues për ata që mund të kenë tendenca për të qënë më pak aktivë: “Çohu dhe bëj diçka, sepse shumë shpejt robotët do të vijnë dhe mund të na zëvendësojnë. Ne marrim atë që tolerojmë. Nëse diçka nuk po shkon, ndrysho diçka”.
Ai përmendi edhe konceptin e “0 based thinking”, ose të menduarit nga zero, duke sugjeruar që çdo veprim të analizohet: “Duke pyetur veten: a do e bëja këtë që po bëj, sikur të filloja nga zero?”
