Dritare të thyera, njolla zjarri nëpër mure: ministria e Arsimit në Tiranë mbart gjurmët e protestave të ditëve të...
SHOWBIZ
Mes lotësh, psikiatri Behar Kamberi jep dëshminë pas akuzës së përndjekjes ndaj moderatores Albana Bejko
PiranjatPërditësimi i fundit 30 Shtator 2025, 15:03
Behar Kamberi, mjek psikiatër nga Kosova i arrestuar nga Policia e Tiranës pas kallëzimit të bërë nga moderatorja sportive Albana Bejko, është liruar me vendim të Prokurorisë.
Në kallëzimin e saj, Bejko pretendonte se ishte përndjekur nga mjeku, i cili sipas saj i kishte shkaktuar shqetësim. Por pas shqyrtimit të provave, Prokuroria e Tiranës vlerësoi se mesazhet e dërguara nga Kamberi kishin përmbajtje sentimentale dhe nuk përbënin kërcënim apo intimidim.
Mesazhe si: "Të dua, dëshiroj të martohem me ty" apo "Jeni shumë e bukur, kam ardhur nga Kosova vetëm për ju" u konsideruan si komunikim i zakonshëm dhe jo si rrezik për jetën apo sigurinë e moderatores.
Gjatë marrjes në pyetje, Kamberi mes lotësh ka deklaruar se nuk kishte asnjë qëllim për ta frikësuar apo kërcënuar Bejkon. Ai theksoi se kishte ardhur në Tiranë vetëm për ta takuar dhe për t’i shprehur hapur dëshirën për martesë.
"Unë nuk mund të qëndroj në burg vetëm pse kam shfaqur pëlqim ndaj një vajze. Në asnjë moment nuk e kam kanosur apo frikësuar," është shprehur mjeku gjatë dëshmisë.
Pas vlerësimit të plotë të çështjes, Prokuroria urdhëroi lirimin e menjëhershëm të Behar Kamberit, ndërsa hetimet ndaj tij do të vijojnë në gjendje të lirë.
Ky rast, sipas juristëve, nxjerr në pah kufirin delikat mes shprehjes së një ndjenje dashurie dhe perceptimit të saj si përndjekje, kur pala tjetër nuk e pranon dhe zgjedh ta denoncojë në polici.
