Në fund të vitit 2025, numri i mjeteve rrugore të regjistruara (me status aktiv ose të çregjistruara përkohësisht) arriti n...
SHOWBIZ
Nën akuzë për shfrytëzim seksual të fëmijëve, dënohet me 19 vite burg aktori
PiranjatPërditësimi i fundit 30 Shtator 2025, 14:33
Justin Heath Smith, i njohur më parë me emrin artistik Austin Wolf në industrinë e filmave për të rritur, është dënuar me 19 vjet burg për vepra të rënda që lidhen me shfrytëzimin seksual të fëmijëve. Vendimi u dha të premten, më 26 shtator 2025, nga një gjykatë federale në Distriktin Jugor të New York-ut.
Përveç dënimit me burg, Smith u dënua edhe me 10 vjet lirim të mbikëqyrur pas përfundimit të dënimit dhe me një gjobë prej 40,000 dollarësh (rreth 34,000 euro).
Sipas deklaratës së prokurorit amerikan Jay Clayton, rasti i Smith përfaqëson një nga shkeljet më të rënda dhe tronditëse të sigurisë së fëmijëve. “Kjo sjellje është e tmerrshme. Qëllimi ynë është i qartë: t’i largojmë nga rrugët individët që shfrytëzojnë seksualisht fëmijët,” u shpreh ai për People.
Smith fillimisht u arrestua në prill të vitit 2024, pasi autoritetet bastisën apartamentin e tij në Manhattan dhe gjetën një sasi alarmante prej rreth 200 videove me përmbajtje pornografike të të miturve. Në qershor 2025, ai pranoi fajësinë për akuzën e joshjes së një të mituri me qëllim përfshirjen në aktivitet seksual.
Hetimet zbuluan se Smith kishte përndjekur dhe abuzuar viktima të moshës 7 deri në 15 vjeç, duke përfshirë edhe raste të planifikuara me individë që i ofronin fëmijët për abuzim. Në total, u identifikuan 1,291 skedarë me përmbajtje të paligjshme, përfshirë rreth 75 me foshnje ose fëmijë të vegjël, si dhe video të cilësuara si përdhunime të dhunshme të fëmijëve.
Gjithashtu, ai kishte shpërndarë përmbajtje të tilla me të paktën 15 persona të tjerë.
