Një veshkë derri e modifikuar gjenetikisht ka mbajtur gjallë dhe pa dializë një 66-vjeçar për plot nëntë muaj, p&...
SHOWBIZ
Mikela i uron të mirat Efit, por nuk i kursen “thumbat”: Kur ke famën e kupton kush janë njerëzit
PiranjatPërditësimi i fundit 4 Tetor 2025, 13:54
Ish-banorja e “Big Brother VIP Albania 2”, Mikela Pupa, ka folur për herë të parë hapur rreth prishjes së miqësisë me Efi Dhedhesin, dikur një nga shoqet e saj më të afërta. E ftuar në “UëTëFë Show” në Andale Media, Mikela tregoi se, ndonëse mes tyre nuk ka më kontakt, ajo nuk ndjen pendesë për mënyrën si rrjedhën ngjarjet.
“Nuk pendohem. Jam njeri që nuk rri e vras shumë mendjen ‘si ndodhi’ apo ‘pse ndodhi’. Më pëlqen që ndodhi ashtu, sepse më vonë koha tregoi shumë gjëra,” tha Mikela me qetësi.
Në vijim, ajo shtoi se ndarja e tyre nuk kishte të bënte me lojën apo me programin televiziv, por me sjelljen dhe marrëdhënien jashtë kamerave.
“Nuk na ndau Big Brotheri. Nëse një marrëdhënie është e sinqertë dhe e fortë, nuk të ndan askush. Gjëja e vetme që më vjen keq është që kujtimi i fundit me të nuk ka qenë i mirë – dhe unë kam qenë shtatzënë. Është e vërtetë ajo që thonë gratë: si të sillen njerëzit në atë periudhë, nuk e harron kurrë,” tregoi ajo me ndjeshmëri.
Megjithatë, ndonëse e mbylli me një “i uroj më të mirat”, Mikela nuk e fshehu plotësisht zhgënjimin e saj.
Në fund të intervistës, ajo la të kuptohej se fama dhe suksesi mund të kenë ndryshuar sjelljen e dikujt që dikur e konsideronte mike të ngushtë:
“Shiko, është një shprehje e vjetër që thotë: ‘Kur të kesh lekun dhe famën, e kupton vërtet kush janë njerëzit’.”
Fjalët e saj u interpretuan nga ndjekësit si një thumb i qartë ndaj Efit, duke rikthyer në vëmendje marrëdhënien e dikurshme të dy prej ish-banorëve më të komentuar të “BBVA 2”.
