Ashtu siç pritej, me të mbërritur te kryeministria, ka nisur përplasja mes policisë dhe protestuesve.
Kanë qenë kë...
SHOWBIZ
Nëntë vite pa Ergi Dinin – Barbana prek me dedikimin rrëqethës për vëllain
PiranjatPërditësimi i fundit 21 Nëntor 2025, 12:56
Këngëtarja Barbana Dini ka emocionuar rrjetin me një dedikim të ndjerë, teksa kujtoi vëllain e saj, artistin e ndjerë Ergi Dini, në 9-vjetorin e humbjes tragjike.
Ergi Dini fitues i “X Factor Albania 3” dhe një nga talentet më premtuese të muzikës shqiptare humbi jetën më 21 nëntor 2016, në moshën vetëm 22-vjeçare, pas një aksidenti fatal me motor.
Në një postim në Instagram, Barbana shprehu dhimbjen që e ka shoqëruar gjithë këto vite, duke rrëfyer se humbja e Ergit mbetet e pashërueshme:
“Si ikën 9 vite nga largimi yt vëlla?… Thonë se koha shëron çdo plagë, por nuk mund të them se është e vërtetë. Është thjesht një gënjeshtër për të ngushëlluar vetveten.”
Ajo tregon se momenti kur mori lajmin e trishtë i ndryshoi përgjithmonë jetën: “Më ikjen tënde, sfidat e mia ndryshuan. Mësova si të jetoj duke më munguar ti, çdo ditë, sado kohë të kalojë…”
Në fund, Barbana i uron vëllait paqe të përjetshme, duke kujtuar edhe humbjen e babait të tyre: “Uroj të kesh gjetur paqen e përjetshme bashkë me babin… derisa të takohemi sërish, i vogli im.”
Dedikimi prekës u shoqërua me qindra komente ngushëllimi nga fansa, kolegë dhe miq të familjes, duke dëshmuar edhe një herë se kujtimi i Ergi Dinit vazhdon të jetojë fort në zemrat e publikut.
