Një aksident i rëndë me pasojë vdekjen e një personi është regjistruar pasditen e kësaj të marte në një a...
SPORT
“Penalltinë duhet ta gjuanit ju”/ Spaleti shpërthen pas ndeshjes: Dejvid duhet të shënojë gola, përndryshe shpërthen kaosi
PiranjatPërditësimi i fundit 3 Janar 2026, 22:28
“Kemi bërë një ndeshje shumë të mirë, nga ana e lojës janë bërë hapa përpara, pastaj është e qartë që rezultati bën gjithmonë diferencën dhe e barazuam ndeshjen.” Kështu u shpreh trajneri i Juventusit, Luciano Spaletti, në mikrofonat e DAZN, pas barazimit në shtëpi ndaj Leçes.
“Kur jemi në zonën e rreptësisë duhet të parashikosh se ku kalon topi. Kemi futur shumë topa në zonë pa gjetur kurrë lojtarin që ta devijonte. Duhet të përmirësohemi në zgjedhjet aty brenda”, shtoi ai.
I pyetur nëse Dejvid ishte gjuajtësi i parë i penalltive, trajneri bardhezi u përgjigj me tone të ashpra: “Sipas meje, duhej ta gjuanit ju… Ai që vendos të mos e godasë, është sepse ka edhe pak frikë. Ata e dinë, sepse janë në fushë. Dejvid është gjuajtës penalltish, i gjuan shumë mirë, por nuk arriti ta ngrinte topin. Edhe Lokateli dhe Jildiz janë gjuajtës, por ndoshta herën tjetër do të ndërhyj edhe unë.
Pjesa emocionale e ndeshjes ka peshën e vet dhe ndonjëherë funksionon kështu. Nuk besoj se ishte vetëm për ta bërë të shënonte. Natyrisht ai duhet të shënojë gola, përndryshe shpërthen kaosi”, shtoi Spaletti.
“Tani ndeshja është barazuar dhe duhet të mendojmë për takimin e radhës, sepse mendoj se duke luajtur kështu do të fitojmë shumë ndeshje. Gjëja që më zemëron më shumë është goli i pësuar, por unë jam me lojtarët e mi sepse kanë zhvilluar një ndeshje të rëndësishme”, përfundoi trajneri i Juventusit.
