Një protestues i pranishëm para Ministrisë së Arsimit ka ironizuar efektivët e policisë për sjelljen e tyre gjatë protes...
SHOWBIZ
Priscilla Presley nën hetim: dyshohet se ka fshehur bizhuteri 25 milionë dollarëshe për të shmangur taksat
PiranjatPërditësimi i fundit 10 Tetor 2025, 13:33
Detaje tronditëse po dalin në dritë nga një padi e re ndaj Priscilla Presley, ish-bashkëshortes së legjendarit Elvis Presley, e cila akuzohet për fshehje pasurie dhe manipulim të trashëgimisë familjare.
Sipas dokumenteve të publikuara nga mediat amerikane, Priscilla, 80 vjeç, akuzohet se ka fshehur një koleksion bizhuterish me vlerë mbi 25 milionë dollarë, si dhe kujtime të rralla të Elvis Presleyt, për të shmangur pagesat tatimore ndaj autoriteteve federale (IRS).
Padia është ngritur nga ish-partnerët e saj të biznesit, Brigitte Kruse dhe Kevin Fialko, të cilët kërkojnë dëmshpërblim prej 50 milionë dollarësh. Ata pretendojnë se Priscilla ka tentuar të marrë kontrollin e fondacionit të vajzës së saj, Lisa Marie Presley, dhe të pasurisë ikonike “Graceland”, trashëgimia historike e Elvisit.
Në dokumente përmendet edhe një detaj i ndjeshëm: gjatë ngjarjeve tragjike të janarit 2023, kur Lisa Marie pësoi arrest kardiak, Priscilla dyshohet se ka kërkuar heqjen e aparateve që e mbanin në jetë vajzën, vetëm pak orë pas shtrimit në spital – diçka që ka shkaktuar reagime të forta në opinionin publik.
Sipas revistës People, në formularët tatimorë të dorëzuar më 4 maj 2023, Priscilla kishte deklaruar vetëm 6 mijë dollarë në bizhuteri, ndërkohë që vlera e vërtetë e koleksionit mendohet të jetë miliona dollarë më e lartë.
Burime brenda hetimit pohojnë se bizhuteritë janë ruajtur në një lokacion sekret, nën mbikëqyrjen e Angie Marchese, drejtuese e arkivave të Graceland-it. Pasi ish-partnerët e saj dyshuan për fshehjen e tyre, Priscilla thuhet se i ka larguar nga puna për të shmangur denoncimin pranë autoriteteve.
Ky hetim mund të hapë një kapitull të ri ligjor për familjen Presley një trashëgimi që, prej dekadash, ka qenë në qendër të vëmendjes për shkak të pasurisë, famës dhe konflikteve të brendshme.
