Një veshkë derri e modifikuar gjenetikisht ka mbajtur gjallë dhe pa dializë një 66-vjeçar për plot nëntë muaj, p&...
SHOWBIZ
Rita Ora dhe Kate Moss “shkëlqejnë të lodhura” pas festës madhështore të Javës së Modës në Paris
PiranjatPërditësimi i fundit 30 Shtator 2025, 16:57
Ylli i muzikës Rita Ora dhe supermodelja e famshme britanike Kate Moss u fotografuan së bashku në orët e para të mëngjesit, teksa largoheshin nga një tjetër festë luksoze e organizuar në kuadër të Javës së Modës në Paris.
Dyshja u panë krah për krah, duke kërkuar makinat e tyre për t’u kthyer në hotele, ndërsa pavarësisht orarit të vonë, të dyja mbanin syze dielli me xhama të errët.
Vetëm disa orë më parë, Rita kishte dalë për darkë në Hotel Costes, e veshur me një bodysuit provokues me dekolte të thellë, por për festën e 'Yves Saint Laurent', të organizuar nga Lenny Kravitz, ajo kishte zgjedhur një pamje më të mbuluar, me një pallto të gjatë lëkure.
Kate Moss, 51 vjeç, u shfaq elegante me një fustan të zi dhe një bluzë argjendi me shkëlqim, të kombinuara me një kapelë lëkure dhe çizme të shkurtra, duke tërhequr vëmendjen e të pranishmëve.
Ndërkohë, Rita, 34 vjeçe, po shijon Parisin jo vetëm për shkak të Javës së Modës, por edhe si pjesë e përgatitjeve për publikimin e këngës së saj më të re, "All Natural", të cilën e ka përshkruar si një nga projektet më personale dhe të ndjeshme që ka realizuar deri më tani.
Këngëtarja ka treguar se gëzon mbështetje të madhe nga ikonat e muzikës, mes tyre Kylie Minogue, me të cilën ka krijuar një miqësi të ngushtë.
Java e Modës në Paris këtë vit ka sjellë disa prej eventeve më madhështore, ku në pasarela janë ngjitur emra të njohur si Kendall Jenner, Heidi Klum, Cara Delevingne dhe aktorja e mirënjohur Helen Mirren, duke e bërë këtë edicion një ndër më të komentuarit e viteve të fundit.
