Një protestues i pranishëm para Ministrisë së Arsimit ka ironizuar efektivët e policisë për sjelljen e tyre gjatë protes...
SHOWBIZ
Rrëfimi prekës i pedagoges që humbi studenten: Kishte dalë me të fejuarin për Shën Valentin
PiranjatPërditësimi i fundit 14 Tetor 2025, 15:51
Në një rrëfim të ndjerë pedagogia Elsa Skënderi tregon në vëmendje një nga anët më të ndjeshme dhe shpesh të panjohura të marrëdhënies mes pedagogut dhe studentit.
Sfidat e heshtura që shumë të rinj përjetojnë larg dyerve të auditorit. Me zërin që i dridhej nga emocionet, ajo ndau historinë tronditëse të një studenteje të re, Megit, e cila përpiqej fort që t’ia dilte në mësime, por shpesh nuk ishte e përgatitur, pa e ditur askush arsyen e vërtetë. Vetëm pas ndarjes tragjike nga jeta të saj, në një ngjarje të papritur në Ditën e Shën Valentinit, pedagogia kuptoi realitetin e vështirë në të cilin jetonte e reja, një vajzë e vetme, që punonte për të ndihmuar familjen dhe sakrifikonte gjithçka për ta.
“Duhet të kuptojmë që studentët tanë ndonjëherë janë në situata shumë të vështira, situata që ne as nuk i përfytyrojmë dot se çfarë sfidash mund të kenë. Çelësi në këtë rast është që të tregohemi empatikë dhe nga përvoja ime jemi të tillë. Kujtoj një rast që është relativisht i freskët të një studenteje që e shihja që përpiqej shumë, por kur vinte puna te seminare nuk ishte e përgatitur.
Edhe i flisja dhe nuk merrja asnjë përgjigje, i thoja që duhet të lexonte, i thoja e di që je vajzë e thjeshtë dhe ta reflekton fytyra. Mirë po pati një rast shumë fatkeq. Kur ishte festa e Shën Valentinit, shkoi për të festuar me të fejuarin e saj dhe ndërroi jetë atje dhe unë nuk e dija këtë gjë. Teksa bëja apelin për provim sepse kishim provim fill të nesërmen, studentët më thonë që nuk është, është ndarë nga jeta. Ka qenë provimi më i vështirë për mua, dola nga salla sepse ka qenë e pamundur që të rrija.
Pastaj kuptova, shoqet e saj më thanë që Megi ishte vajzë e vetme, punonte shumë sepse donte që të ndihmonte familjen. Kjo ishte edhe një arsye pse Megi nuk ishte e përgatitur. Jam ndjerë shumë keq për të gjitha rastet që i kisha folur se përse nuk ishte e përgatitur”, rrëfeu pedagogia në “Shije Shtëpie”.
