Një pedagoge ka shpërthyer kundër kryeministrit Edi Rama, duke e cilësuar si turpin e vendit, dhe duke shtuar se ai duhet të largohet...
SHOWBIZ
Valdrin Sahiti tregon momentet më të errëta të jetës: Gjithmonë kërkoja perfeksion
PiranjatPërditësimi i fundit 8 Tetor 2025, 15:58
tilisti dhe dizajneri i njohur shqiptar, Valdrin Sahiti, ka folur hapur për momentet e tij më të vështira gjatë karrierës dhe jetës personale, duke rrëfyer për “burnout”-in që përjetoi në moshën 27-vjeçare.
Në një intervistë për “The Dalina Show”, Valdrini tregoi se kaloi një periudhë ku zgjohej pa motiv për të përballuar ditën, ndiente lodhje të madhe dhe ndryshime të papritura të humorit, madje edhe refuzonte të dilte nga shtëpia. Megjithatë, ai vazhdonte të shkonte në punë dhe të krijonte si zakonisht:
“Këto ndodhnin çdo ditë e natë. Sepse unë edhe kam fjetur në punë. Në çdo objekt ku unë kam qenë, zyra ka qenë e shoqëruar me krevat, me banjo.”
Ai shtoi se nuk kishte ide për vetëvrasje apo abuzim me substanca, por thjesht mungesë motivimi dhe energjie për të vijuar. Ky ishte momenti kur Valdrini vendosi të konsultohej me një doktor dhe terapistë për menaxhimin e jetës dhe stresit.
Një nga momentet më të veçanta nga seanca e terapistit ishte kur u zbulua një “diagnozë” interesante dhe e ndjeshme:
“Më tha ‘është dhe një problem tjetër me ty sepse në nënvetëdijen tënde, edhe kur bën seks mendon që je në mes të një teatri ku po të sheh publiku dhe në fund pret të të duartrokasë ose të thotë se nuk e ke bërë mirë’. Që është e vërtetë.”
Valdrini theksoi se, edhe në mes të errësirës, ai arriti të gjejë dritën, duke mësuar të menaxhojë stresin dhe presionin e madh që vjen nga puna dhe jeta kreative. Ky rrëfim i tij është një dëshmi për rëndësinë e kujdesit mendor dhe terapisë profesionale.
