Burime mediatike se asnjë nga tre të plagosurit nuk ka qenë objektiv i atentatit mbrëmë në Elbasan, por një person tjet&e...
SOCIALE
FALJE DHE LEHTËSI/ Dy ligjet që duhet të nxjerrin nga qelia Diana Bahçjan, nëna larg fëmijës së porsalindur
PiranjatPërditësimi i fundit 15 Mars 2023, 14:56
TIRANE- Diana Bahçja është një nga rastet më flagrante që tregon shumë qartë si funksionon drejtësia në Shqipëri. Një ligj në dorën e Maliqit, që nuk merr parasysh as faktin se gruaja në fjalë, ka vetëm 2 javë që ka sjellë në jetë një fëmijë. Diana është duke vuajtur dënimin e vendosur nga gjykata e Shkallës së Parë Tiranë që ka marrë vendim të ndryshojë dënimin nga gjobë në burg, pa e marrë për bazë faktin se e dënuara është bërë nënë. Një rast unikal, që edhe këtu sërish ka tejkaluar ligjin.
Janë dy ligje që sot mund të zbatohen dhe të ndihmojnë një nënë të jetë pranë të voglit të saj. I pari është neni 59/a i Kodit penal ku thuhet sepër çdo grua shtatzënë me dënim deri në 2 vite burg, ajo mund të qëndrojë në shtëpi për të vuajtur dënimin.
"Për dënimet me burgim deri në dy vjet ose kur kjo kohë është pjesë e mbetur e dënimit, sipas një vendimi për një periudhë më të gjatë burgimi, gjykata mund të vendosë vuajtjen e dënimit të dhënë me qëndrimin në shtëpi të të dënuarit, në një shtëpi tjetër private apo në një qendër të kujdesit dhe të shëndetit publik, kur ekzistojnë rrethanat e mëposhtme:
a) Për gratë shtatzëna ose nëna me fëmijë, nën moshën 10 vjeç, që jetojnë me të."-thuhet në ligj, një rrethanë që Diana e plotëson.
Dhe ligji i dytë, edhe më i shpejtë për të mundësuar bashkimin e Dianës me foshnjën e porsalindur që përfshin faljen nga ana e Presidentit të Republikës, institucioni që ka në dorë ligjin e faljes. Në Nenin 5, pika iii, thuhet qartë se Presidenti ka të drejtë të ushtrojë ligjin e faljes kur e dënuara është me fëmijë të mitur.
Institucionet duhet të reagojnë sa më parë, për një rast të tillë, ku për një dënim 50 ditë burg, nëna është larg fëmijës dhe situata është përtej çdo limiti njerëzor. /Dosja.al
