Një tjetër grup studentësh, ata të Mjekësisë, i janë bashkuar turmës së protestuesve të mbledhur para Kryemini...
SPORT
Barcelona me mungesa, Real-it i kthehen ‘yjet’ në ‘El Clásico’
PiranjatPërditësimi i fundit 24 Tetor 2025, 18:43
Dy ditë para “El Clásico”-s, situata e dy gjigantëve spanjollë është shumë e ndryshme.
Barcelona mbetet e dëmtuar dhe me shumë mungesa, ndërsa Real Madridi i Xabi Alonsos po rikuperon pothuajse të gjithë titullarët e tij. Lajmi më i mirë për madrilenët vjen nga Dani Carvajal.
Mbrojtësi spanjoll ka përfunduar stërvitjen e plotë me grupin dhe, edhe pse pritet ta nisë nga stoli, do të jetë i gatshëm për t’u aktivizuar gjatë ndeshjes.
E njëjta situatë vlen edhe për Trent Alexander-Arnold, i cili është rikthyer pas 38 ditësh mungesë për shkak të një dëmtimi në bicepsin femoral.
Të dy nuk do të jenë titullarë në start, por nuk përjashtohet një përfshirje e papritur, ashtu siç ndodhi me Bellingham-in në derbi pas operacionit në shpatull.
Rikthimi i tyre mund të ndikojë edhe në zgjedhjet taktike të Xabi Alonso-s.
Nëse njëri prej tyre aktivizohet në krahun e djathtë, atëherë Federico Valverde mund të zhvendoset në mbrojtje, duke liruar një vend në mesfushë për Eduardo Camavinga-n ose Brahim Diaz-n.
Në këtë formacion, Arda Güler shihet si i paprekshëm falë paraqitjeve mbresëlënëse të fundit.
Një tjetër lajm pozitiv për Realin është rikthimi i Dean Huijsen, i cili mungonte që nga 4 tetori dhe tani është gati të formojë dyshe me Eder Militaon në qendër të mbrojtjes.
Infermieria e madrilenëve po boshatiset gradualisht: vetëm Antonio Rüdiger dhe David Alaba mbeten ende jashtë për shkak dëmtimesh.
Në kampin tjetër, Barcelona e Xavit vazhdon të ketë shumë probleme fizike dhe pritet të zbresë në fushë pa disa nga titullarët kryesorë.
Për Realin, ndërkohë, çdo rikthim është një sinjal i fortë për sfidën më të madhe të sezonit, një “El Clásico” që mund të peshojë shumë në garën për titullin e LaLiga-s.
Chauncey Billups ish numri një i Detroit Piston në NBA, dhe Hall of Fame, aktualisht dhe trajner kryesor i Portland Trail Blazers, dhe Terry Rozier,...
