Departamenti Amerikan i Shtetit (DASH) ka publikuar vlerësimin më të fundit për sigurinë në Shqipëri, ku ngre shqetësime...
SPORT
Levandovski drejt largimit, dy opsionet e reja për sulmin e Barcelonës
PiranjatPërditësimi i fundit 18 Janar 2026, 16:37
Në kushtet kur shanset që Leva të qëndrojë janë minimale, është e sigurt që Barça do kërkojë një tjetër sulmues, i cili kënaq aspiratat e klubit, ose më shkurt një sulmues rrace.
Kjo është arsyeja pse drejtori sportiv, Deko tashmë i ka dhënë përparësi nënshkrimit të një sulmuesi të nivelit të lartë, përpara një qendërmbrojtësi ose një mbrojtësi të krahut.
Nëse Barça është në përputhje me rregullin 1:1, ata janë të përgatitur të bëjnë një investim të konsiderueshëm. Dhe këtu fillojnë spekulimet, sepse ka disa kandidatë. Julian Alvarez mbetet një objektiv. Edhe pse nuk ka pasur një sezon të shkëlqyer, ai është një sulmues shumë i vlerësuar nga drejtori sportiv dhe Hansi Flik. Nuk do të jetë e lehtë, pasi është një transferim i shtrenjtë, që pritet të kushtojë rreth 100 milionë euro, pa llogaritur shifrën e 500 milionëve që ja ka vënë Atletiko, pra shanset janë 0.
Një tjetër opsion është Harri Kein, i cili, sipas burimeve të ndryshme, ka një klauzolë lirimi prej 65 milionë eurosh. Lojtari i Bajernit po kalon një sezon të shkëlqyer. Është një tjetër marrëveshje e shtrenjtë sepse, përveç klauzolës së lirimit prej 65 milionë eurosh, është edhe paga e lojtarit, e cila është rreth 25 milionë euro bruto.
Dhe, për më tepër, klubi gjerman po përpiqet të rinovojë kontratën e tij. Pastaj ka edhe opsione të tjera, më të përballueshme, si Vlahoviç, por duket se e ka mbyllur me Milanin dhe Guirasi, por këto do të ishin të disponueshme vetëm nëse klubi nuk i nënshtrohet rregullit të shkëmbimit të lojtarëve 1:1. Kanë mbetur edhe disa muaj para se të merren vendime përfundimtare dhe emrat janë të pakët, shifra e merkatos e lartë dhe Barça akoma më shumë e pa zonja për të blerë një sulmues me emër.
