Një aksident rrugor është raportuar mesditën e sotme në fshatin Aliko të Vlorës.
Për pasojë kanë mbetur t&e...
SPORT
Roma mendon për Endrick, D’Amico lë të hapur mundësinë: “Në janar do të bëjmë më të mirën për trajnerin”
PiranjatPërditësimi i fundit 21 Tetor 2026, 08:48
Drejtori sportiv i Romës, Tony D’Amico, foli për Sky Sport përpara ndeshjes së Ligës së Kampionëve kundër Slovan Bratislavës, duke komentuar situatën e skuadrës dhe planet për merkaton e ardhshme.
Duke u ndalur te minutat e fundit të ndeshjes kundër Real Madridit, ai pranoi se skuadra përjetoi momente të vështira. “Shtatë minutat e fundit ishin të pazakonta, pa hapësirë për të marrë frymë. Ky është futbolli, ndërsa Liga e Kampionëve është një kompeticion shumë i fortë. Skuadra luajti 80 minuta spektakolare”, u shpreh D’Amico.
Drejtuesi verdhekuq theksoi se rezultati ishte aspekti negativ i asaj përballjeje, por nënvizoi se Roma tregoi edhe elementë pozitivë gjatë lojës.
I pyetur për Endrick dhe mundësinë e një lëvizjeje në merkaton e janarit, D’Amico u tregua i kujdesshëm, pa e përjashtuar mundësinë e përforcimeve.
“Janari është ende larg dhe tani jemi të përqendruar te vetja. Më pas, në janar, do të bëjmë më të mirën për t’i dhënë trajnerit burimet e nevojshme për t’u përballur sa më mirë me çdo ndeshje”, deklaroi ai.
Për momentin, nuk ka një konfirmim konkret për një negociatë të Romës për Endrick, por deklarata e D’Amicos lë të kuptohet se klubi do të shqyrtojë mundësitë për të përforcuar skuadrën gjatë merkatos dimërore.
