Një protestues i pranishëm para Ministrisë së Arsimit ka ironizuar efektivët e policisë për sjelljen e tyre gjatë protes...
SPORT
Trajneri Pellegrini rrezikon 12 ndeshje pezullim pas kritikave ndaj arbitrit
PiranjatPërditësimi i fundit 20 Tetor 2026, 08:42
Trajneri i Real Betisit, Manuel Pellegrini, rrezikon një pezullim nga katër deri në 12 ndeshje, pas deklaratave të ashpra ndaj arbitrit Ricardo de Burgos Bengoechea, pas humbjes 2-5 kundër Barcelonës.
Federata e arbitrave në Spanjë pritet të shqyrtojë fjalët e teknikut kilian për të vendosur nëse do të paraqesë një ankesë zyrtare pranë organeve disiplinore.
Sipas raportimit të Mundo Deportivo, Shoqata Spanjolle e Arbitrave (AESAF) do të analizojë deklaratat e Pellegrinit përpara se të vendosë nëse do ta dërgojë çështjen në Komisionin Disiplinor të Federatës Spanjolle të Futbollit (RFEF).
Pas ndeshjes së zhvilluar në stadiumin “La Cartuja”, trajneri i Betisit shprehu pakënaqësinë e tij për vendimet e gjyqtarit, duke e cilësuar gjykimin si të papranueshëm.
“Më është dukur një gjykim i mjerueshëm, pa asnjë kriter futbollistik”, deklaroi Pellegrini.
Zemërimi i tij lidhej veçanërisht me golin e anuluar të Giovani Lo Celso-s, pas prekjes me dorë të Cucho Hernández, si dhe me një përjashtim që, sipas trajnerit, ndikoi drejtpërdrejt në rezultatin përfundimtar.
Sipas nenit 106 të Kodit Disiplinor të RFEF-së, deklaratat që vënë në dyshim ndershmërinë ose paanshmërinë e arbitrave, apo denigrojnë punën e tyre përmes shprehjeve fyese, mund të ndëshkohen rëndë.
Nëse ankesa zyrtarizohet dhe komisioni disiplinor konstaton shkelje të rregullores, Pellegrini mund të pezullohet nga katër deri në 12 ndeshje. Përveç kësaj, ai rrezikon edhe një gjobë nga 601 deri në 3.005,06 euro.
