Policia është përplasur me protestuesit e rinj në qendër të Tiranës pasditen e të hënës, ku dhjetëra pers...
SPORT
Zhegrova pret shansin e tij te Juventusi
PiranjatPërditësimi i fundit 19 Tetor 2026, 15:11
Edon Zhegrova mund të përfitojë më shumë minuta te Juventusi pas dëmtimit të Francisco Conceiçaos.
Gjendja e anësorit portugez mund të ndikojë në planet e trajnerit Luciano Spalletti, duke i krijuar futbollistit të përfaqësueses së Kosovës një mundësi më të madhe për të fituar hapësirë në skuadër.
Sipas mediave italiane, Conceiçao dyshohet se ka pësuar një dëmtim në shpatullën e majtë pas një përplasjeje në fund të ndeshjes kundër Lazios.
Nëse konfirmohet diagnoza fillestare, portugezi mund të qëndrojë jashtë fushave për rreth një muaj.
Mungesa e tij do të ishte një shqetësim për repartin ofensiv të bardhezinjve, por njëkohësisht mund të shndërrohet në një mundësi për Zhegrovën.
27-vjeçari ka regjistruar pesë paraqitje këtë sezon, me dy gola dhe një asist, dhe synon të shfrytëzojë çdo rast për të fituar besimin e Spallettit.
Megjithatë, shqiptari nuk është përfshirë në listën e Juventusit për Ligën e Evropës, ndaj mundësitë e tij për aktivizim në këtë periudhë lidhen kryesisht me kampionatin italian dhe kompeticionet e tjera vendase.
Juventusi, që aktualisht renditet në vendin e tetë, me pesë fitore, dy barazime dhe tri humbje, përgatitet për përballjen e radhës ndaj Lecces.
Tashmë, mbetet për t’u parë nëse Spalletti do t’i japë më shumë hapësirë futbollistit, i cili mund ta shfrytëzojë këtë situatë për të fituar një rol më të rëndësishëm në skuadrën torineze.
