Deputetja e Partisë Demokratike dhe kryetarja e Komisionit për të Drejtat e Njeriut dhe Mjetet e Informimit Publik, Jorida Tabaku, zhvilloi n&e...
SPORT
Uejn Runi e ka me Arsenalin: E tepruan me festimet, nuk kanë fituar ende asgjë
PiranjatPërditësimi i fundit 7 Maj 2026, 12:43
Uejn Runi ka befasuar duke thënë se Arsenali e teproi me reagimin e tyre ndaj fitores 1-0 ndaj Atletiko Madrid, e cila i pa “Topçinjtë” të arrinin në finalen e dytë të Ligës së Kampionëve dhe të parën pas 20 vitesh.
“Ata e meritojnë të jenë në këtë pozicion, por ende nuk kanë fituar asgjë. Mendoj se festimet ishin paksa të tepërta. Festo kur e fiton krejt kompeticionin”, tha ish-sulmuesi anglez, pas ndeshjes në Londrën Veriore. Por siguroi se Arsenali është i aftë të fitojë Ligën e Kampioneve.
Ish-golashënuesi më i mirë i “Djajve të Kuq” foli gjithashtu për ish-shokun e tij të skuadrës dhe trajnerin aktual të Mançesterit, Majkëll Kerrik: “Nëse vendos trajner Luis Enriken, ose Tomas Tuhelin dhe ata fitojnë 10 nga 14 ndeshjet e tyre të para, do të thoje se kjo është e pabesueshme. Vetëm pse është një trajner i ri anglez, në sytë e shumë njerëzve do të thoja se ai nuk është njeriu i duhur.
Kerrik është i zgjuar dhe një trajner vërtet i mirë. Mendoj se ai mund ta udhëheqë ekipin për një kohë të gjatë. Do të jetë një verë interesante. Për herë të parë pas një kohe të gjatë, duket se ka njëfarë qetësie te Mançester Junajtid”, përfundoi ai.
