Ditën e Hënë vendi ynë parashikohet të ndikohe nga kushte atmosferike të qëndrueshme.
Moti parashikohet i kthjellët p...
AKTUALITET
Krim i kryer me paramendim? Vranë dhe groposën babain, Prokurori nis hetimet, tre fëmijët i nënshtrohen ekspertimit psikiatrik
M.B.Përditësimi i fundit 19 Korrik 2024, 11:19
Babai me tre fëmijët
DURRËS- Vijojnë hetimet për ngjarjen e rëndë të shkurtit të këtij viti të ndodhur në Shënavlash të Durrësit ku tre fëmijët vranë dhe groposën në kasolle babanë e tyre, Pëllumb Metën. Lidhur me këtë ngjarje mësohet se është kryer edhe akt ekspertim psikiatrik për tre fëmijet, Hygertën, Hysenin dhe Amarildo Metën. Bëhet me dije se një grup mjekësh ekspertë që trajtojnë problemet e shëndetit mendor kanë kryer ekspertimin psikiatrik për të parë nëse fëmijët e Pëllumb Metës kanë probleme të shëndetit mendor.
Kështu, nëse do të rezultojë që tre fëmijët nuk kanë probleme të shëndetit mendor, mbi ta mund të rëndojë akuza e vrasjes me paramendim. Ndërkohë, e pavërtetuar me prova shkencore është se cili nga fëmijët qëlloi me armë Pëllumb Metën, edhe pse policia dhe prokuroria deri tani kanë të dyshuar kryesor djalin e madh, Hysenin.
Si ndodhi ngjarja?
Pëllumb Meta, 50-vjeç, ishte raportuar i zhdukur nga djali i madh. Pas kallëzimit për zhdukje, policia ka ngritur dyshimet se mund të jetë një ngjarje kriminale dhe kanë nisur hetimet. Gjatë marrjes në pyetje të familjes lidhur me zhdukjen e Metës, ka qenë vajza e tij Hygerta Meta, e cila pasi është pyetur disa herë, ka treguar se e ka vrarë babanë e saj dhe e ka varrosur në kasollen pranë banesës së tyre. Më pas u tha se vrasjen e kishte kryer vëllai i 19-vjeçares. Hysen Meta 24 vjeç akuzohet se ka shkrepur armën, vajza Hygerta 19 vjeç që ka qenë pjesëmarrëse në organizim dhe në krim, ndërsa djali tjetër 22-vjeçar për fshehjen e kufomës.
