VIDEO/ Zbulohet laboratori i kokainës në Itali, arrestohen tre shqiptarë, si ra policia në gjurmët e tyre?

pamje nga ngjarja

ITALI- Tre shqiptarë janë arrestuar ditën e djeshme në Lentate sul Seveso të Italisë. Mësohet se shqiptarët të moshave 29, 40 dhe 51 vjeç kishin krijuar një laborator kokaine në bodrumin e shtëpisë së tyre.

Autoritetet italiane ranë në gjurmët e shqiptarëve përmes një ndalimi për kontroll në një makinë tip Sedan, në afërsi të Lentate sul Seveso. Në automjet u gjet 29-vjeçari me 500 euro dhe dy celularë, njëri prej të cilëve ka një sistem të koduar mesazhesh.

Pas kësaj nisi kontrolli në shtëpinë e tij, ku u gjet laboratori i kokainës. Midis banjës, dhomës nën shkallët dhe garazhit kishte presa hidraulike me stampa të ndryshme që zakonisht vendosen në blloqe kokaine, një dhomë tharje druri me gjurmë të dukshme pluhuri kokaine, furra me mikrovalë dhe elektrike, ventilatorë, legena dhe sasi të mëdha të lëndës prerëse, kanaçe me aceton, peshore, makineri plastike dhe vakum, rrotulla të shumta shirit ngjitës dhe gati shtatë okë kokainë.

Në sirtarin e tavolinës së kuzhinës u gjet një dozë modeste kokaine të mbyllur me nxehtësi, një karikator pistolete gjysmë automatike me 9 fishekë 9x21 dhe një fletore me shënime dhe llogari që i atribuohen aktivitetit të mundshëm të trafikut të drogës. Në strukturën e divanit në dhomën e ndenjes u gjetën dy pistoleta gjysmë automatike me karikatorë përkatës të pajisur me fishekë: një klandestine me numër serie të gërryer dhe një Beretta 98F 9x21 e cila u gjet e vjedhur në nëntor 2023 në Piemonte. 

Shqiptarët ndodhen aktualisht në burgun e Monza-s, në pritje të dënimit të tyre.

itali kokaine