Kryeministri Edi Rama ka sulmuar sërish protestuesit, duke i cilësuar si të rinj që nuk kërkojnë paqe, por përmbysje, nd&eu...
AKTUALITET
31-vjeçar shqiptar zhduket në Itali, i gjendet makina e djegur: Familja kërkon ndihmë për gjetjen e tij
PiranjatPërditësimi i fundit 19 Tetor 2026, 08:45
Një familje shqiptare po përjeton ditë ankthi, pasi ka humbur çdo kontakt me të afërmin e saj, Denaldo Maxhallaku, 31 vjeç, i cili rezulton i zhdukur në Itali.
Sipas familjarëve, kontakti i fundit me Denaldon ka qenë më 7 tetor 2026, rreth orës 20:30, në zonën e Savignano sul Rubicone, në provincën Forlì-Cesena.
Shqetësimi u shtua edhe më shumë të nesërmen, kur makina e tij, një Fiat Punto e zezë, u gjet e djegur në zonën e Roncofreddo, pranë lumit Rubicone. Mediat italiane raportuan se në zonën ku u gjet automjeti nuk kishte asnjë gjurmë të 31-vjeçarit, ndërsa kërkimet për gjetjen e tij u vunë në lëvizje me angazhimin e forcave të rendit dhe ekipeve të shpëtimit.
Familja thotë se për rastin është bërë denoncimi pranë autoriteteve italiane, por ende nuk ka informacion të ri për fatin e Denaldos. Të afërmit kërkojnë gjithashtu përfshirjen dhe ndihmën e institucioneve shqiptare për gjetjen e tij.
Kushdo që mund ta ketë parë Denaldon, ka informacion për lëvizjet e tij apo mund të ndihmojë në zbardhjen e rrethanave, lutet të kontaktojë familjen ose autoritetet italiane.
Familja apelon për ndihmë dhe kërkon që ky njoftim të shpërndahet sa më shumë. Çdo informacion mund të jetë i rëndësishëm për gjetjen e tij.
