Aksident në aksin rrugor Lushnje-Berat, përplasen dy automjete, 3 të plagosur

LUSHNJE- Një aksident ka ndodhur mëngjesin e sotëm në në dalje të fshatit Fier-Shegan në rrugën nacionale Lushnje Berat nga ku mësohet se një makinë tip 'Smart' është përplasur me një automjet tip 'Toyota' dhe të dyja kanë përfunduar në kanalet kulluese përgjatë rrugës.

Nga ky aksident, 3 persona kanë mbetur të plagosur, por bëhet me dije se ndodhen jashtë rrezikut për jetën. Paraprakisht dyshohet se dy drejtuesit e mjeteve kanë kryer manovër të gabuar. Grupi hetimor ndodhet në vendngjarje dhe po punon për zbardhjen e shkaqeve të aksidentit.

Njoftimi i policisë:

Rreth orës 05:00, në aksin rrugor “Berat-Lushnjë”, shtetasi V. C., 58 vjeç, duke drejtuar automjetin është përfshirë në një aksident me një automjet me drejtues shtetasin M. R., 32 vjeç.

Si pasojë e aksidentit janë dëmtuar 2 drejtuesit e automjeteve, dhe 1 pasagjere, të cilët ndodhen në spital për ndihmë mjeksore, jashtë rrezikut për jetën. Grupi hetimor po punon për sqarimin e plotë të rrethanave të aksidentit.

aksident