Protestuesit janë pozicionuar tek Ministria e Arsimit, pasi qëndruan paqësisht për më shumë se dy orë para kryeministris&eu...
AKTUALITET
Akuzat ndaj zv/kryeministres/ Balluku ka marrë fletëthirrjen e dytë, të premten nëse nuk shkon do të shoqërohet me forcë
PiranjatPërditësimi i fundit 29 Tetor 2025, 21:53
Zv/kryeministrja Belinda Balluku njëherësh ministre e Infrastrukturës dhe Energjisë, Belinda Balluku ka marrë pasditen e sotme fletëthirrjen e dytë nga Prokuroria e Posaçme për tu paraqitur ditën e premte me avokatin e saj në SPAK.
Kjo është fletëthirrja e dytë do të thotë që, në rast se Balluku nuk do të paraqitet, atëherë sipas protokollit do të urdhërohet policia për ta shoqëruar.
Ftesa për paraqitje mban firmën e prokurorit të posaçëm Dritan Prençi, i cili ka kërkuar që zëvendëskryeministrja të jetë e asistuar nga një avokat, një praktikë që nënkupton se ndaj saj mund të komunikohet zyrtarisht një akuzë penale. Kreu SPAK, Altin Dumani, u pyet dje në Kuvend lidhur me kallëzimet penale të depozituara ndaj zëvendëskryeministres dhe ministres së Infrastrukturës dhe Energjisë, Belinda Balluku.
Deputetët e opozitës pyetën nëse SPAK po heton disa dosje që lidhen me Ballukun, përfshirë çështjet mbi shitblerjen e energjisë, projektet e rrugëve, parqet fotovoltaike, tunelin e Llogarasë, si edhe termocentralet “Tigri 1” dhe “Tigri 3”.
