Akuzat për gjobëvënie përmes lajmeve të rreme/ Ish-punonjësi i AMP-së kallëzohet nga Muhamet Rrumbullaku, Nallbati dhe Rebani Jaupi

Kushtrim Selimi

TIRANË - Detaje të reja kanë dalë në dritë nga ngjarja që u raportua një ditë më parë ku ish-punonjësi i AMP-së, Kushtrim Selimi (tashmë në kërkim) në bashkëpunim me dy persona të tjerë akuzohen se denigronin figurën e drejtuesve të policisë, përmes disa shkrimeve të publikuara në një portal online.

Mësohet se një ditë pas ngjarjes drejtues të tjerë të Policisë së Shtetit kanë bërë kallëzime në AMP për Kushtrimin Selimin. Kallëzim penal ndaj Selimit kanë bërë edhe Drejtori i Përgjithshëm i Policisë Muhamet Rrumbullaku, Drejtori i Policisë Kriminale Neritan Nallbati dhe Drejtori për Rendin dhe Sigurinë Publike, Rebani Jaupi. Mësohet se kallëzimet nga Rrumbullaku, Nallbati dhe Jaupi ndaj Selimit janë bërë lidhur me denigrimin dhe lajmet e publikuara që Kushtrim Selimi bashkë me vëllain e tij në SHISH bënin ndaj drejtuesve të institucioneve të Policisë së Shtetit.

Kushtrim Selimi, zyrtarja tjetër e AMP-së Rexhina Omeri dhe një gazetar (tashmë të arrestuar) sipas Sektorit të Krimeve Kibernetike, akuzohen se kishin krijuar një portal ku publikonin informacione të rreme. 

Mësohet se ata publikonin shkrime për drejtuesit e lartë të Policisë Muhamet Rrumbullaku, Neritan Nallbati, Rebani Jaupin, Florjan Sulejmani me qëllim denigrimin e tyre në publik përmes lajmeve të rreme. Portali në të cilin publikoheshin këto informacione ishte i paregjistruar në ndonjë organ shtetëror apo në qendrën kombëtare të biznesit dhe nuk figuronte në pronësi të ndonjë individi.

Qëllimi i Selimit ishte që përmes këtyre shkrimeve synonte që përmes presionit të emërohej drejtor. Në celularët e të arrestuarve janë gjetur dhe mesazhe komunikimi me persona të tjerë me qëllim për t’i vendosur gjoba.

amp kushtrim selimi muhamet rrumbullaku

kushtrim selimi arresti amp