Akuzohen për trafik droge, mobilizohet policia italiane për arrestimin e 4 shqiptarëve, kërkime dhe kontrolle të shumta

Foto ilustruese

ITALI- Katër shqiptarë janë shpallur në kërkim ditën e sotmë në Itali. Përmes një njoftimi policia ka bëre me dije se sot ka zhvilluar një operacion të përbashkët me Policinë italiane, të koduar “Car ëash”. 

Mësohet se shqiptarët janë shpallur në kërkim për trafikim droge dhe në lidhje me arrestimin e tyre janë zhvilluar kontrolle dhe kërkime të shumta. Gjithashtu bëhët me dije se të shpallurit në kërkim janë 34-vjeçari me inicialet M.B, 36-vjeçari me inicialet U. B., 39-vjeçari me inicialet E. P. dhe 31-vjeçari B. G.

Njoftimi i plotë:

Policia e Shtetit/ Prej orëve të para të mëngjesit, strukturat e Policisë së Shtetit janë përfshirë në një operacion të përbashkët me Policinë italiane, të koduar “Car ëash”. Operacioni, i iniciuar dhe aktualisht në zhvillim në Itali, me qëllim lokalizimin dhe arrestimin e pjesëtarëve të një organizate kriminale për trafikim lëndësh narkotike.

Si rezultat i punës hetimore, shkëmbimit të informacioneve dhe veprimeve të tjera operacionale, të përbashkëta me Policinë italiane, në kuadër të operacionit ndërkombëtar “Car ëash”, u identifikuan dhe u shpallën në kërkim shtetasit M. B., 34 vjeç, banues në Tiranë dhe U. B., 36 vjeç, banues në Dibër, vëllezër, si dhe shtetasit E. P., 39 vjeç, banues në Tiranë dhe B. G., 31, banues në Vlorë.

Të 4 këta shtetas akuzohen nga autoritetet në Itali, për veprën penale “Trafikimi i lëndëve narkotike”, kryer në kuadër të organizatës kriminale.  Vijojnë kërkimet, kontrollet dhe veprimet e tjera operacionale, të koodinuara me Policinë e Italisë, me qëllim lokalizimin dhe vënien në pranga të 4 shtetasve të shpallur në kërkim.

itali shqiptar trafik droge