Deti i Zi po përballet me një zonë të re të vlerësuar me rrezik të lartë, pas goditjes ukrainase ndaj infrastruktur&eu...
AKTUALITET
Arrestohet 29-vjeçari i dyshuar për një seri vjedhjesh në disa banesa
PiranjatPërditësimi i fundit 16 Janar 2026, 11:42
Një 29-vjeçar është arrestuar në Durrës, i dyshuar për një seri vjedhjesh në disa banesa.
Sipas të dhënave, ai ka vjedhur disa herë shuma parash, bizhuteri dhe pajisje të ndryshme, përfshirë edhe banesën e një shtetaseje italiane në zonën e "Fermë Sukth". Gjatë kontrollit, atij iu gjetën një pistoletë sportive pa leje, si dhe një maskë dhe një palë doreza që dyshohet se i përdorte për të kryer vjedhjet.
Hetimet vijojnë për zbardhjen e rasteve të tjera që mund të jetë i përfshirë.
Njoftimi:
Durrës/Finalizohet operacioni i koduar “Target”, për zbardhjen e vjedhjeve.
Identifikohet, kapet dhe vihet në pranga një 29-vjeçar, i dyshuar si autor i vjedhjeve në disa banesa.
29-vjeçari dyshohet se ka vjedhur 3 herë, shuma parash, bizhuteri dhe pajisje, në banesën e një shtetaseje italiane, në Fermë Sukth, si dhe në 5 banesa të tjera.
Gjatë kontrollit fizik, atij iu gjetën një maskë dhe një palë doreza që dyshohet se i përdorte për të kryer vjedhjet dhe një pistoletë spotive që e mbante pa leje.
Si rezultat i hetimeve të kryera nga specialistët për Hetimin e Krimeve të Komisariatit të Policisë Durrës, në drejtimin e Prokurorisë, në kuadër të operacionit të koduar “Target”, për zbardhjen dhe dokumentimin e vjedhjeve, u identifikua, u kap dhe u vu në pranga shtetasi:
-D. C., 29 vjeç, banues në Sukth.
Nga hetimet dyshohet se ky shtetas ka vjedhur 3 herë, gjatë periudhës dhjetor 2025-janar 2026, shuma parash, bizhuteri dhe pajisje të ndryshme, në banesën e një shtetaseje italiane, në Fermë Sukth. Gjithashtu, dyshohet se ka vjedhur në 5 banesa të tjera. Në momentin e ndalimit, gjatë kontrollit fizik, 29-vjeçarit iu gjetën një pistoletë sportive që e mbante pa leje, si dhe një maskë dhe një palë doreza të cilat dyshohet se i përdorte për të kryer vjedhjet.
Vijojnë hetimet për zbardhjen e vjedhjeve të tjera që mund të ketë kryer ky shtetas.
Materialet procedurale iu referuan Prokurorisë së Durrësit, për veprime të mëtejshme, veprat penale “Vjedhja”, kryer më shumë se një herë dhe “Prodhimi dhe mbajtja pa leje e armëve të gjuetisë dhe sportive”.
