Sot vendi ynë do të jetë nën ndikimin e masave ajrore relativisht të qëndrueshme dhe të nxehta.
Moti parashikohet kryesish...
AKTUALITET
Asgjësohen 1233 bimë kanabisi në Shkodër/ Nis procedimi në gjendje të lirë ndaj specialistit të pyjeve dhe rojës mjedisore, autorët nuk dihen ende
m.lPërditësimi i fundit 31 Maj 2025, 14:12
SHKODËR- Janë gjetur dhe asgjësuar 777 fidanë dhe 382 bimë narkotike kanabis në disa fshatra të Shkodrës ditën e sotme. Mësohet se në vijim të operacionit policor të koduar 'Koordinata', policia ka asgjësuar 1233 bimë kanabisi të kultivuara në Shalë, Pult, Postribë dhe Shkrel, ndërsa ende nuk dihen autorët. Bëhet me diije se ka nisur procedimi në gjendje të lirë për Inspektorin e Pyjeve me iniciale A. M dhe Rojen Mjedisore me iniciale L. A. Sakaq vijon puna për identifikimin, kapjen dhe nxjerrjen përpara përgjegjësisë penale të autorëve të kultivimit të këtyre bimëve narkotike.
NJOFTIMI:
Shërbimet e Komisariatit të Policisë Shkodër në vijim të operacionit policor të koduar “Koordinata”, gjatë kontrolleve të territorit, bazuar dhe në inteligjencën policore, gjetën dhe asgjësuan në territorin e njësive administrative Shalë, Pult dhe Postribë 777 fidanë dhe 382 bimë narkotike kanabis.
Në vijim të veprimeve për këto dy raste nisi procedimi në gjendje të lirë, për shpërdorim të detyrës dhe moskallëzim krimi, për Inspektorin e Pyjeve, shtetasin A. M dhe Rojen Mjedisore shtetasin L. A. Ndërkohë shërbimet e Komisariatit të Policisë Malësi e Madhe gjatë kontrolleve gjetën dhe asgjësuan në territorin e njësisë administrative Shkrel, 74 bimë kanabis. Vijon puna për identifikimin, kapjen dhe nxjerrjen përpara përgjegjësisë penale të autorëve të kultivimit të këtyre bimëve narkotike.
